Nanded: तरोडा नाक्यावरील पाच दुकाने जळून खाक; शेकडाे काेंबड्यांचा मृत्यू

नांदेड : नांदेड (nanded) शहरातील तरोडा नाका परिसरात दुकानांना भीषण आग लागली हाेती. या आगीत गादी कारखाना, वाहन साहित्य विक्रीचे दुकान आणि तीन चिकन सेंटर अशी एकूण पाच दुकाने जळून खाक झाली आहेत. आज (शुक्रवार) सकाळी अकरा वाजता ही आग (fire) लागली हाेती. सुरवातीला गादी कारखान्याला आग लागली. त्यानंतर इतर चार दुकान आगीच्या भक्ष्यस्थानी सापडली. (nanded latest marathi news)

आग लागल्यानंतर घटनास्थळावर बघ्यांनी मोठी गर्दी झाली होती. ही आग शाॅर्टसर्कीटमुळे आग लागली असल्याचा प्राथमिक अंदाज व्यक्त केला जात आहे. या घटनेची माहिती समजताच महापालिकेचे फायर ब्रिगेड (fire brigade) तातडीने घटनास्थऴी पाेहचले.

ही आग आटोक्यात आल्याने नजकीच्या 15 दुकानांदारांनी निश्वास टाकला. या आगीत जिवीत हानी झाली नाही. मात्र चिकन सेंटरमधील अनेक काेंबड्यांचा (chicken) भाजल्याने मृत्यू झाला आहे.

Edited By : Siddharth Latkar