Koyna Dam : 'काेयने' मुळे 'वाशिष्ठी' ला पूराचा धाेका; पोफळी वीज निर्मिती प्रकल्प अधिकाऱ्यांना भीती

भविष्यात गळती माेठी होऊन तीवरे धरणासारखे दुर्घटना घडू शकते तज्ञांचे मत.

vashishti river, koyna dam, chiplunsaam tv

- जितेश काेळी

Chiplun News : कोयना धरणातून वीजनिर्मिती प्रकल्पाकडे जाणाऱ्या सर्चवेलला दोन वर्षांपूर्वी पडलेल्या भागदाडाची तीव्रता आज (मंगळवार) अचानक वाढली आहे. त्यामुळे धोका निर्माण झाला आहे. चिपळूण येथील वाशिष्ठी नदीला पूर येण्याची दाट शक्यता यामुळे निर्माण झाली आहे. (vashishti river latest marathi news)

कोयना धरणातून सर्चवेल मध्ये केला जाणार पाण्याचा विसर्ग तात्काळ बंद केल्यास पुढील धोका टाळता येईल अशी माहिती पोफळी वीज निर्मिती प्रकल्पाच्या अधिकाऱ्यांनी दिली आहे. सध्या कुंभार्ली घाटातील डोंगरामधून या सर्चवेल मधून भगदाड पडलेल्या ठिकाणी मोठ्या प्रमाणात पाण्याचा विसर्ग होत आहे. (Maharashtra News)

हॅलाे दादा ! मी रेडा हापिसात घेऊन आलूया; प्रश्न सुटण्यासाठी ग्रामस्थाची शक्कल (पाहा व्हिडिओ)

त्यामुळे वाशिष्ठी नदीच्या पाणी पातळीत वाढ होण्याचा धोका निर्माण झाला आहे. पोफळी पॉवर हाऊस पहिला व दुसऱ्या टप्प्यात कोयना धरणातून येणाऱ्या सर्चवेलला हे भगदाड दोन वर्षांपूर्वी पडले होते आज याची तीव्रता अचानक वाढली आहे.

Har Har Mahadev Movie Row : संभाजी ब्रिगेडने ‘हर हर महादेव’ सर्व चित्रपटगृहांत पाडला बंद

काेयना धरणाचे (koyna dam) पाणी ज्या ठिकाणावरून वीज निर्मितीला आणले जाते त्या ठिकाणीच गळती लागल्याने चिंतेचे वातावरण समोर आले असले तरी याबाबत जलसिंचन विभागातील एकही अधिकारी बोलायला तयार नाही. मात्र वीज निर्मिती ज्यावेळी केली जाते त्यावेळेला या डोंगरातून लाखो लिटर पाणी हे गळतीच्या माध्यमातून वाया जात आहे. भविष्यात ही गळती माेठी होऊन तीवरे धरणासारखे दुर्घटना घडू शकते असे तज्ञांनी तसेच जाणकारांनी साम टीव्हीशी बाेलताना नमूद केले.

Edited By : Siddharth Latkar