Tadoba Jungle : ताडोबा व्याघ्र प्रकल्पाच्या (tadoba tiger reserve) बफर क्षेत्रात मोठमोठ्याने गाणे वाजवून, वाहनाखाली उतरून धिंगाणा घालणाऱ्या पर्यटकांना पाच हजार रुपयांचा दंड (fine) ठाेठावण्यात आला आहे. त्याशिवाय पर्यटकांना (tourists) बफर क्षेत्रातून बाहेर काढले.
गणराज्य दिनानिमित्त मिळालेल्या सुटीत ताडोबा मार्गावर बफर क्षेत्रात घुसलेल्या पर्यटकांनी भर जंगलात गाडीखाली उतरून वाहनातील रेकॉर्ड जोराने वाजवत धिंगाणा सुरू केला. पार्टीच्या मूडमध्ये आलेले हे पर्यटक घनदाट जंगलात गाडीखाली उतरले आणि गाण्यावर डान्स करीत होते.
ज्या ठिकाणी या पर्यटकांचा धिंगाणा सुरू होता. त्या भागात वाघाचे वास्तव्य असून अनेकदा रस्ता ओलांडताना पर्यटकांनी बघितले आहे. अशा संवेदनशील ठिकाणी या पर्यटकांनी नियमभंग करीत धिंगाणा केला. हे दृश्य तिथून जाणाऱ्या एका वनपालाने बघितले आणि परिक्षेत्राधिकाऱ्याला माहिती दिली.
त्यावरून वनपथक घटनास्थळी दाखल झाले. वाहनासह पर्यटकांना कार्यालयात नेऊन त्यांच्यावर पाच हजारांचा दंड ठोकला. शिवाय त्यांना लगेच बफर क्षेत्राबाहेर पाठवण्यात आले. हे पर्यटक परराज्यातील असल्याने नियमांची (rules) त्यांना माहिती नव्हती. त्यामुळे दंड ठोकून त्यांना समज देऊन सोडण्यात आले अशी माहिती संतोष थिपे, परिक्षेत्राधिकारी, मोहर्ली यांनी दिली. (Maharashtra News)
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
