तुमचं आयुष्यच टक्केवारी खाण्यात गेलं, कर्डिलेंचा पलटवार

अहमदनगर ः ‘‘जिल्हा परिषदेच्या माध्यमातून वेगवेगळ्या कामांत टक्केवारी खाण्यातच यांचे आयुष्य गेले. स्वतः चोऱ्या करायच्या, आपले ‘कर्तृत्व’ झाकण्यासाठी काही तरी आरोप करायचे व तालुक्यातील शेतकऱ्यांची दिशाभूल करून सहानुभूती मिळविण्याचा खटाटोप महाविकास आघाडीतील नेत्यांकडून सुरू आहे.

(कै). दादा पाटील शेळके यांचे नाव बाजार समितीला दिल्याने महाविकास आघाडीच्या मंडळींना त्रास व्हायला लागला आहे,’’ अशा शब्दांत माजी आमदार शिवाजीराव कर्डिले यांनी बाळासाहेब हराळ, संदेश कार्ले, प्रताप शेळके यांच्यासह नगर तालुक्यातील महाविकास आघाडीवर जोरदार पलटवार केला. Former MLA Shivajirao Kardile criticizes the opposition

चिचोंडी पाटील (ता. नगर) येथे नेत्रतपासणी शिबिराच्या उद्‍घाटनप्रसंगी कर्डिले बोलत होते. ते म्हणाले, ‘‘तालुक्यातील कुठल्याही निवडणुकीत विरोधकांनी फक्त दादा पाटलांच्या नावाचा वापर करून स्वतःचे उखळ पांढरे केले. नगर तालुका बाजार समिती राज्यात आपल्या कामातून अग्रेसरच राहिली आहे. त्यामुळे बाजार समितीला त्यांचे नाव दिले आहे. ते कदापि खराब होऊ देणार नाही.

गेल्या पंधरा वर्षांत जिल्हा बॅंकेत तालुक्यातील सर्वसामान्य शेतकऱ्यांचे हित डोळ्यासमोर ठेवून त्यांना मदतच केली. मागील पंचवीस वर्षे नगर तालुक्यातील शेतकऱ्यांच्या हितासाठी राबत राहिलो. यापुढेही कायम तालुक्यातील शेतकऱ्यांच्या पाठीशी ठामपणे उभा राहणार आहे.’’ Former MLA Shivajirao Kardile criticizes the opposition

दूध संघाचे काय झाले?

जिल्हा परिषदेचे उपाध्यक्ष प्रताप शेळके यांच्या सीना दूध संघाला जिल्हा बॅंकेने सातत्याने मदत केली आहे. या दूध संघाचे काय झाले, हे त्यांनी जनतेला सांगावे, असे आव्हान यावेळी कर्डिले यांनी दिले.