Ashok Bhangre Passed Away : अजित पवारांचे निकटवर्तीय अशोक भांगरे यांचे निधन

अशोक भांगरे यांचे हृदयविकाराच्या झटक्याने निधन
Ashok Bhangre Passed Away
Ashok Bhangre Passed AwaySaam Tv

सचिन बनसोडे

Ashok Bhangre Passed Away : अजित पवार यांचे निकटवर्तीय, अकोले तालुक्यातील राष्ट्रवादीचे ज्येष्ठ नेते तथा अगस्ति सहकारी साखर कारखान्याचे उपाध्यक्ष अशोक भांगरे यांचे ह्रदयविकाराच्या झटक्याने निधन झालं आहे. काल रात्री १० वाजण्याच्या सुमारास त्यांनी एसएमबीटी रुग्णालयात अखेरचा श्वास घेतला. भांगरे यांच्या अकाली निधनाने अकोले तालुक्यात शोककळा पसरली आहे..

Ashok Bhangre Passed Away
Mumbai Fire Brigade : मुंबई अग्निशमन दलातील भरती प्रक्रिया आजपासून सुरू; थेट भरती

अहमदनगर (Ahmednagar) जिल्हा परिषदेचे अध्यक्ष, जिल्हा बँकेचे संचालक यासह अनेक महत्त्वाची पदे त्यांनी भूषविली. आदिवासी बहुल अकोले तालुक्यात मधुकरराव पिचड आणि वैभव पिचड यांनी शरद पवारांची (Sharad Pawar) साथ सोडून भाजपमध्ये (BJP) प्रवेश केल्यानंतर आदिवासी समाजाचे मोठे नेते मानले जाणारे अशोक भांगरे हे मात्र राष्ट्रवादीशी एकनिष्ठ राहिले.

विरोधकांची मोट बांधत त्यांनी विधानसभेसह स्थानिक स्वराज्य संस्थांच्या निवडणुकांमध्ये किंगमेकरची भूमिका पार पाडत राष्ट्रवादी काँग्रेसला घवघवीत यश मिळवून दिले. त्यामुळे अशोक भांगरे हे अजित पवार (Ajit Pawar) यांच्या निकटवर्तीयांपैकी एक मानले जात होते.

Ashok Bhangre Passed Away
Nashik Truck-Bus Accident : नाशकात भीषण अपघात; बस अन् ट्रकची समोरासमोर धडक

नुकत्याच झालेल्या अगस्ती सहकारी साखर कारखाना निवडणुकीत त्यांनी विजय मिळवत कारखान्याचे उपाध्यक्ष झाले होते. गुरुवारी त्यांना त्रास होऊ लागल्याने घोटी येथील एसएमबीटी रुग्णालयात उपचारासाठी दाखल केले होते. रात्री १० वाजण्याच्या सुमारास त्यांचे ह्रदयविकाराच्या झटक्याने निधन झाले. अशोक भांगरे यांच्या निधनाने अहमदनगर जिल्ह्यात राष्ट्रवादी काँग्रेसला मोठा धक्का बसला आहे. आज शेंडी या मूळगावी त्यांच्यावर अंत्यसंस्कार केले जाणार आहेत.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com