भाईचा बर्थडे जेलमध्ये साजरा करणं पोलिसांच्या अंगलट; चार जण निलंबित

जेलमध्ये असणाऱ्या आरोपींचा वाढदिवस साजरा करण्यासाठी लागणारा केक आणि साहित्य जेलमध्ये गेलंच कसं?
भाईचा बर्थडे जेलमध्ये साजरा करणं पोलिसांच्या अंगलट; चार जण निलंबित
Jail BirthdaySaam TV

अहमदनगर : अहमदनगरच्या संगमनेर शहर पोलिस ठाण्यात (Sangamner city police Station) असलेल्या जेलमध्ये आरोपींनी वाढदिवस साजरा केल्याची घटना समोर आली आहे. याप्रकरणी अहमदनगर जिल्हा (Ahmednagar District) पोलीस अधीक्षक मनोज पाटील यांनी संगमनेर शहर पोलीस ठाण्यातील चार पोलिसांना निलंबित केलं आहे. मागील आठ दिवसापूर्वी आरोपींनी जेलमध्ये इतर कैद्यासमोवेत वाढदिवस साजरा केला होता.

Jail Birthday
Akshaya Tritiya 2022: अक्षय तृतीयेच्या दिवशी पूजा आणि खरेदी करण्याची योग्य वेळ जाणून घ्या

याप्रकरणी संगमनेर शहर पोलीस ठाण्यातील सहाय्यक पोलीस उपनिरीक्षक रविंद्र कुलकर्णी, पोलीस हवालदार आनंदा भांगरे,पोलीस नाईक रामदास भांगरे,पोलीस हवालदार संजय साबळे, यांचं जिल्हा पोलीस अधीक्षक मनोज पाटील यांनी निलंबन करून सेवेतून बडतर्फ केलं आहे.

दरम्यान, संगमनेर शहर पोलिस स्टेशनमधील जेलमध्ये असणाऱ्या आरोपींनी वाढदिवस साजरा करण्यासाठी वाढदिवसासाठी लागणारा केक आणि साहित्य जेलमध्ये गेलंच कसं याचा ठपका या चार पोलिसांवर ठेवत त्या पोलिसांचं निलंबन करून सेवेतून बडतर्फ करण्यात आलं आहे. पोलिसांचं निलंबन झाल्यामुळे संगमनेर पोलिस दलामध्ये खळबळ उडाली आहे.

Edited By - Jagdish Patil

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.