Gautami Patil : नाशिकच्या निफाडमध्ये प्रसिद्ध नृत्यांगना गौतमी पाटीलचा कार्यक्रम आयोजित करण्यात आला होता. या कार्यक्रमाला प्रेक्षकांनी तोबा गर्दी केली होती. या कार्यक्रमादरम्यान गौतमी पाटीलने माध्यमांशी संवाद साधला यावेळी तिने व्हायरल झालेल्या व्हिडिओवर देखील प्रतिक्रिया दिली आहे.
पुण्यातील घटनेबाबत गुन्हा दाखल केला असून कारवाई सुरू आहे. महिला आयोगाने दखल घेतली त्याबद्दल चांगले वाटले. मला जास्त बोलायचे नाही अशी प्रतिक्रिया गौतमी पाटीलने दिली आहे.
काही दिवसांपूर्वी एका कार्यक्रमाच्या ठिकाणी कपडे बदलत असतानाचा गौतमी पाटीलचा व्हिडिओ व्हायरल झाला होता. अज्ञात व्यक्तीने हा व्हिडिओ शूट करून व्हायरल केला होता. हा व्हिडीओ सोशल मीडियावर व्हायरल झाल्यानंतर अनेकांनी या घटनेचा निषेध व्यक्त केला. हा व्हिडिओ व्हायरल झाल्यानंतर गौतमी पाटीलने पहिल्यांदाच प्रतिक्रिया दिली आहे. (Latest Marathi News)
कपडे बदलतानाचा व्हिडीओ व्हायरल झाल्यानंतर गौतमी पाटीलने नाशिकमध्ये पहिल्यांदाच मंचावर नृत्य सादर केले. यावेळी माध्यमांशी बोलताना ती म्हणाली की 'मला कायम प्रेक्षकांचं प्रेम मिळालं आहे. अजून जास्त प्रेम मिळतंय, छान वाटतंय. माझी बोलण्याची मनस्थिती नाहीये, तरीही मी तुमच्यासमोर आली आहे. लोक माझ्यासोबत आहेत. या गोष्टीचा खूप अभिमान आहे.'
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
