लातुर : 28 ऑक्टोबर पासून लातुर जिल्ह्यात (Latur District) सुरू असलेलं ST कर्मचाऱ्यांच आंदोलन अद्यापही सुरू आहे. विलीनीकरण जोपर्यंत होणार नाही तोपर्यंत आंदोलन सुरू राहणार असा निर्धार आंदोलक ST कर्मचाऱ्यांनी केला आहे. यामुळे आज एकही बस आगाराबाहेर पडली नाही. राज्य शासनाने आमचा आवाज ऐकावा नाही तर आमचं निलंबन करा, फासावर द्या पण आमचं आंदोलन सुरूच राहणार असल्याचा निर्धार ST आंदोलकांचा (ST Agitators) आहे.
हे देखील पहा -
लातुर जिल्ह्यात लातुर, औसा, निलंगा, उदगीर आणि अहमदपूर असे पाच आगार असून त्यामध्ये 1 हजार 38 वाहक, 912 चालक, 531 कार्यशाळेत कर्मचारी आणि 360 प्रशासकीय कर्मचारी आहेत. त्यापैकी 2 हजार 183 वाहक आणि चालक कर्मचारी अद्यापही संपात आहेत तर 117 कर्मचारी वैद्यकीय रजेवर आहेत. एकूण कर्मचाऱ्यांपैकी प्रशासकीय आणि कार्यशाळेतील 541 कर्मचारी कामावर रुजू झाले आहेत वाहक, चालक (Carrier, Driver) कामावर नसल्याने एकही बस आगारा बाहेर पडली नसल्याने अद्यापही एटीची वाहतूक ठप्प झाली आहे.
दरम्यान आता जोपर्यंत एसटीचं विलीनीकरण होणार नाही, तोपर्यंत आंदोलन सुरू राहणार आहे. असा निर्धार आंदोलक कर्मचाऱ्यांनी केला आहे. आजपर्यंत चाळीस पेक्षा जास्त एसटी कर्मचाऱ्यांनी आपलं जीवन संपवलं आहे. यावर शासनाने सहानुभूतीपुर्वक विचार करून तसा शासकीय निर्णय जाहीर करावा अशी मागणी आंदोलकांनी केली आहे.
Edited By - Jagdish Patil
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
