गोंदिया : गोंदिया जिल्ह्यातील तिरोडा तालुक्यातील (Gondia) भुराटोला येथील एका २८ वर्षीय युवकाची शेतात जनावरे चारण्यास नेल्याच्या जुन्या वादावरून बापलेकांनी मिळून युवकाची हत्या केल्याची घटना घडली आहे. याप्रकरणी तिरोडा पोलिसांनी (Police) दोन आरोपींना ताब्यात घेतले असून तिसऱ्या आरोपीचा शोध घेत आहे. (Live Marathi News)
भुराटोला (गोंदिया) येथे घडलेल्‍या घटनेतील मृतक गुरुदास माणिकचंद रहांगडाले याचे गावातीलच चंद्रकुमार तुमळे यांचे शेतात मागील वर्षी जनावरे चारण्यास गेल्याने झालेल्‍या नुकसानीवरून वाद सुरू होता. ज्यावरून गुरूवारी रात्री सदर युवक खर्रा घेण्यास गेला असता तीन बाप लेकांनी मिळून या युवकास पकडून त्याच्‍यावर (Crime News) चाकूने वार केले. यात तो गंभीर जखमी झाला.
दोन जण ताब्यात
गुरुदास याला नातेवाईकांनी उपजिल्हा रुग्णालय तिरोडा येथे उपचारासाठी नेले होते. प्रकृती गंभीर असल्याने प्राथमिक उपचार करून गोंदिया येथे पुढील उपचारासाठी पाठवले असता उपचारादरम्यान त्याचा मृत्यू झाला. याप्रकरणी तिरोडा पोलिसांनी २ जणांना ताब्यात घेतले असून एक आरोपी फरार असल्याने त्याचा शोध घेत आहेत.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
