Gondia News : नदी ओलांडणे बेतलं जीवावर; चुमली नदीत व्यक्ती गेला वाहून

चुमली गावात एका व्यक्तीचा नदीतील पाण्याचा प्रवाहात वाहून जीव गेल्याची दुर्दैवी घटना घडली आहे. आज सकाळच्या सुमारास घटना घडली आहे. या घटनेने परिसरात खळबळ उडाली आहे.
Gondia news
Gondia news saam tv

गोंदिया : गोंदिया (Gondia) जिल्ह्यातून धक्कादायक बातमी समोर आहे. गोंदिया जिल्ह्याच्या देवरी तालुक्यातील पांलादूर/जमीनदारी येथून पाच किलोमीटर अंतरावर असलेल्या चुमली गावात धक्कादायक घटना घडली आहे. या गावात एका व्यक्तीचा नदीतील पाण्याचा प्रवाहात वाहून जीव गेल्याची दुर्दैवी घटना घडली आहे. आज सकाळच्या सुमारास घटना घडली आहे. या घटनेने परिसरात खळबळ उडाली आहे. (Gondia News In Marathi )

Gondia news
Nashik Crime News | लग्नाच्या तीन महिन्यांनी विवाहित महिलेने संपवले जीवन; नाशिकमधील धक्कादायक घटना

मिळालेल्या माहितीनुसार, चुमली गावात जाण्यासाठी चुमली नदी ओलांडूनच गावातील नागरिकांना ये-जा करावी लागते. त्यात आज एक व्यक्ती आज सकाळच्या सुमारास पालांदूर/जमीनदारीवरून नदी ओलांडून चुमली गावात जात होता. त्यावेळी त्या व्यक्तीचा नदीतील पाण्याचा प्रवाहात वाहून गेल्याने मृत्यू झाल्याची घटना घडली आहे. मोरेश्वर देवाजी सलामे असे ३८ वर्षीय मृत व्यक्तीचे नाव आहे. सदर व्यक्ती चुमली गावात राहणारा आहे. मोरेश्वर हे पालांदूर/जमीनदारीवरून चुमली गावी परत जात असताना ही दुर्दैवी घटना घडली आहे. सदर घटनेची नोंद चिचगड पोलिस स्टेशनला करण्यात आली आहे. ग्रामीण रुग्णालय चिचगड येथे त्यांचा मृतदेह हा विच्छेदनाकरिता पाठविण्यात आला आहे.

Gondia news
Jalgaon: रेशन दुकानांवर लागणार ‘सीसीटीव्ही’; काळ्या बाजाराला लगाम

दरम्यान, देवरी तालुक्यातील पांलादूर/जमीपासून चुमली गावाला जाण्याकरीता रस्ताच नाही. विशेषता चुमली गावात जाण्यासाठी चुमली नदी ओलांडूनच गावातील नागरीकांना अनेक वर्षापासून ये-जा करावे लागत आहे. यामुळे सतत वाहणाऱ्या नदीच्या पाण्यात पर्यायी व्यवस्था नसल्याने अनेकांचे जीव या चुमली नदीत गेले आहेत. याचीच दखल घेत काही दिवसा अगोदरच जिल्हाधिकारी व संपूर्ण जिल्हा प्रशासनाने त्या चुमली गावातील नागरीकांशी भेट घेत त्या नदीची पाहणी करत लवकरच नागरीकांना ये -जा करण्याचा मार्ग उपलब्ध करुन देण्यात येणार असल्याचे आश्वासन दिले होते.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com