शुभम देशमुख
गोंदिया : गोंदिया शहर व परिसरात शुक्रवार पहाटेपासूनच पावसाने जोर (Rain) धरला. त्यामुळे सर्वत्र पाणीच पाणी झाल्याची (Gondia) स्थिती निर्माण झाली आहे. अनेक नदी, नल्याना पाणी आले आहे. यात पांगोली नदीवर असलेल्या पर्यायी पुलावरून पुराचे पाणी जात असल्याने सलग तीन दिवसांपासून पुलावरील वाहतूक बंद आहे. (Tajya Batmya)
गोंदिया शहरासह परिसरात सततच्या पावसामुळे जलाशये, तलाव आणि नदीच्या पाणी पातळीत वाढ झाली आहे. या दरम्यान आमगाव- गोंदिया मार्गावरील पांगोली नदीच्या पर्यायी पुलावरून पाणी जात असल्यामुळे शनिवारी आणि आज रविवारी सलग तिसऱ्या दिवशीही वाहतूक बंदच आहे. पुलाचा काही भाग वाहून गेल्यामुळे पूर ओसरला असला तरी रविवारी देखील वाहतूक सुरू होणार नसल्याचा अंदाज वर्तविण्यात आला होता.
दुसऱ्या मार्गाने वळविली वाहतूक
सततच्या पावसामुळे शिवार जलमय झाले. तलाव, नद्या, नाल्यांतील पाणी पातळीत वाढ झाली. पांगोली नदीच्या पाणी पातळीत देखील वाढ झाली. शुक्रवारी सकाळपासून आमगाव-गोंदिया मार्गावरील पर्यायी पुलावरून चार फूट पाणी वाहू लागले. त्यामुळे या मार्गावरील वाहतूक सुरक्षेच्या दृष्टीने बंद करण्यात आली. आमगाव मार्गावरील वाहतूक तुमखेडा आणि चुलोद मार्गाने वळविण्यात आली. रविवारीदेखील पांगोली नदीच्या पुलावरून पाणी वाहत आहे. त्यामुळे वाहतूक सध्या बंद आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
