Maharashtra Cotton Price: अवकाळी पाऊस आणि गारपीटीने हतबल होऊन बसलेल्या शेतकऱ्यांसाठी एक आनंदाची बातमी आहे. यंदा देशातील तुरीचं उत्पादन घटलं असून तुरीची मागणी चांगलीच वाढली आहे. त्यामुळे तुरीच्या भावात मोठी वाढ झाली आहे. विदर्भातील अकोला जिल्ह्यातील अकोला कृषी उत्पन्न बाजार समितीत आज तुरीला या हंगामातील सर्वाधिक '१० हजार' रूपये प्रतिक्विंटल प्रमाणे इतका भाव मिळाला आहे. (Latest Marathi News)
यंदा देशातील तुरीच उत्पादन घटलं असून तुरीला चांगली मागणी होत आहे, त्यात यावर्षी तुरीच्या हंगाम सुरुवातीपासूनच दणक्यात झाला आहे. दरवर्षी तुरीचा हंगाम तूरीच्या भावांमुळे गजला जातो. परंतू या हंगामात कधी नव्हे ते तूर उत्पादक 'शेतकऱ्यांना अच्छे दिन' आल्याचे दिसत आहे. अकोला (Akola) कृषी उत्पन्न बाजार समितीत आज (१८ मे) तुरीला या हंगामातील सर्वाधिक '१० हजार' रूपये प्रतिक्विंटल प्रमाणे इतका भाव मिळाला आहे.
देशातील इतर बाजार समित्यांतही तुरीला सरासरी चांगला भाव मिळतो आहे. तुरीच्या बाजार भावातील हीच तेजी कायम राहिल्यास लवकरचं आगामी दिवसात हे भाव सहजपणे ११ हजारांचा टप्पा गाठू शकतो, असा अंदाजही कृषी बाजार समितीतील बाजार अभ्यासकांनी व्यक्त केला आहे.
अकोला कृषी बाजार समितीत मंगळवारी ८ हजार ८९५ रूपये जास्तीत जास्त तुरीला भाव होता. या दराच्या तुलनेत दोन दिवसांत १ हजार १०५ रुपयांनी तुरीच्या दरात वाढ झाली आहे. आज तुरीला या हंगामातील सर्वाधिक दर मिळाला आहे, तो म्हणजे ६ हजार ५०० रूपयांपासून १० हजार रूपयांपर्यत प्रतिक्विंटल प्रमाणे भाव मिळाला.
कापसाचे भाव वाढणार का?
एकीकडे तुरीच्या दराने शेतकऱ्यांना दिलासा मिळाला असला, तरी दुसरीकडे कापसाला मिळणाऱ्या कवडीमोल भावामुळे (Cotton Price) शेतकरी चिंतेत आहे. कापसाला सध्या ७ हजार २०० ते ८ हजार रुपयांचा भाव मिळत आहे. मागील तीन दिवसांपासून कापसाच्या दरात सतत घट होत गेली. कापसाच्या वायद्याने निचांकी ७ हजार २०० ते ८ हजार रुपयांचा टप्प गाठला.
कापसाचे दर दबावात असल्याने तेजीची वाट पाहणाऱ्या शेतकऱ्यांची चिंता वाढवली. कापसाच्या भावात सतत घसरण सुरु आहे. कापसाच्या दराने मागील दोन महिन्यांमध्ये अपेक्षित सुधारणा दाखवली नाही. त्यामुळे शेतकऱ्यांचा भ्रमनिराश झाला. शेतकऱ्यांना यंदा चांगल्या भावाची अपेक्षा होती. पण बाजारात आवकेचा हंगाम नसतानाही दरावरील दबाव कायम आहे.
Edited by - Satish Daud
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
