जाईल तिथं राजकारणाची खोड असलेले 'पोस्टर बॉय' इथेही खोडा घालतायेत- गोपीचंद पडळकर

पुण्यश्लोक अहिल्यादेवी होळकर सोलापूर विद्यापीठात पुण्यश्लोक अहिल्यादेवी होळकर यांचा 'अश्वारूढ' पुतळा बसवावा अशी मागणी आमदार गोपीचंद पडळकर यांनी केली आहे.
जाईल तिथं राजकारणाची खोड असलेले 'पोस्टर बॉय' इथेही खोडा घालतायेत- गोपीचंद पडळकर
जाईल तिथं राजकारणाची खोड असलेले 'पोस्टर बॉय' इथेही खोडा घालतायेत- गोपीचंद पडळकरtwitter/@GopichandP_MLC

सांगली: पुण्यश्लोक अहिल्यादेवी होळकर सोलापूर विद्यापीठात पुण्यश्लोक अहिल्यादेवी होळकर यांचा 'अश्वारूढ'च पुतळा बसवावा अशी मागणी विधानपरिषदेचे सदस्य आमदार गोपिचंद पडळकर यांनी केली आहे. सोबतच 'जाईल तिथं राजकारण' करण्याची खोड असलेले 'पोस्टर बॉय' इथेही खोडा घालतायेत अशी टीकाही त्यांनी स्मारक समितीवर केली आहे. (MLA Gopichand Padalkar has demanded that a 'equestrian' statue of Punyashlok Ahilya Devi Holkar be erected at Solapur University.)

हे देखील पहा -

आपल्या ट्विटरवरुन शेयर केलेल्या व्हिडिओत पडळकर म्हणाले की, ''आधीच्या स्मारक समितीने अश्वारूढ पुतळा बसवण्याचा निर्णय घेतला होता. सर्वांनी मान्यताही दिली होती. पण 'जाईल तिथं राजकारण' करण्याची खोड असलेले 'पोस्टर बॉय' इथेही खोडा घालतायेत. परंतु पुण्यश्लोक अहिल्यादेवी होळकर यांचं पवित्र नाव लाभलेल्या विद्यापीठाला आपण राज्याचे राज्यपाल आणि विद्यापीठांचे कुलपती म्हणून कुणाच्याच राजकारणाचा अड्डा होऊ देऊ नका, ही आपणास विनंती आहे. माँसाहेबांचा भव्य अश्वारूढच पुतळा उभारण्यात यावा अशा सुचना आपण विद्यापीठ प्रशासनाला द्याव्यात.'' असे वक्तव्य आमदार गोपीचंद पडळकर यांनी केले. ते सांगलीच्या झरेत बोलत होते.

पहा व्हिडिओ -

परकीय आक्रमणाने  छिन्नविछीन्न झालेल्या हिंदू संस्कृतीचा व मंदीरांचा जीर्णोद्धार माँसाहेब पुण्यश्लोक अहिल्यादेवी होळकर यांनी केला. त्यामुळेच माँसाहेबांच्या कर्तृत्वाला 'पुण्यश्लोक' संबोधलं गेलं. माँसाहेबांची शिवपिंड धारी केलेली प्रतिमा आजही जनमानसात रूजलेली आहे. पण त्याच बरोबर माँसाहेब पुण्यश्लोक अहिल्यादेवी होळकर या एक कुशल प्रशासक, एक मुत्सद्दी राजकारणी आणि महापराक्रमी महाराणी होत्या. त्यामुळे त्यांच्या महान कर्तृत्वाला साजेसा पुतळाही त्याच ताकदीचा असला पाहिजे.

जाईल तिथं राजकारणाची खोड असलेले 'पोस्टर बॉय' इथेही खोडा घालतायेत- गोपीचंद पडळकर
'तो लुटायलाच आला आहे' मनी हाईस्टच्या निमित्ताने यशोमती ठाकुर यांचा मोदींवर अप्रत्यक्ष निशाणा

त्यासाठी सोलापूरच्या पुण्यश्लोक अहिल्यादेवी होळकर विद्यापीठ आवारात उभारला जाणारा प्रस्तावित पुतळाही 'अश्वारूढ'च असला पाहिजे. अशी सर्वसामान्य जनतेची आग्रही भावना आहे असं पडळकर म्हणाले.

Edited By - Akshay Baisane

Related Stories

No stories found.
Saam TV | Watch Latest Breaking News in Marathi, Live Marathi News Updates, Bollywood, Cricket, Videos & Photos
www.saamtv.com