सरपंच पतीने मागितली सव्वा लाखाची लाच; दाेघे अटकेत

अकोला : पाझर तलावाच्या कामावर बांधकाम साहित्य पुरवठा केल्याचे धनादेश काढण्यासाठी तब्बल एक लाख 27 हजाराची मागणी करणाऱ्या ग्रामसचिव आणि सरपंच (sarpanch) यांच्या पतीस एसीबीने (acb) अटक (arrest) केली. (akola latest marathi news)

अकोल्यातील (akola) पातूर तालुक्यातल्या राहेर अडगाव या गावात ही घटना घडली आहे. राहेर अडगाव या गावांतर्गत येणाऱ्या पिंपलखुटा परिसरात पाझर तलाव येथील बांधकाम साहित्याचा पुरवठा करण्यात आला होता. दरम्यान या कामाचा धनादेश देण्यासाठी ग्रामसेवक राजेंद्र मेहेरे आणि सरपंच पती अशोक बोराडे या दोघांनी तक्रारदाराला एक लाख 27 हजरांची लाच मागितली होती.

पातूर येथील एका रसवंतीवर लाच देण्याचे नियोजन करण्यात आले होते. दरम्यान संशयित आराेपींना संशय आल्याने त्यांनी लाचेची रक्कम घटनास्थळी स्वीकारली नाही. पाेलीसांनी लाचेची मागणी केल्याचे निष्पन्न झाल्याने दोघांना अटक केली आहे.

Edited By : Siddharth Latkar