- तबरेज शेख
Nashik : ऐन सणासुदीच्या काळात एका हातगाडीवर भांडे विक्रेत्याला चक्क सोन्याची (gold) पोत सापडली. त्यांनी ती पोत प्रामाणिकपणे पोलीस ठाण्यात आणून दिली. या भांडी विक्रेत्याच्या कृतीनं आजही प्रामाणिकपणा शिल्लक असल्याची चर्चा नाशिक (nashik) शहर आणि परिसरात रंगली हाेती. अनेकांनी त्याच्या या प्रामाणिकपणाचे कौतुक करीत त्याचे अभिनंदन केले. (Nashik Latest Marathi News)
विष्णू सुरंजे हे मेन रोडला हातगाडीवर छोट्या छोट्या भांडे विक्रीचा व्यवसाय करतात. रात्री ते दुकान आवरत असताना त्यांना सोन्याच्या वाटी असलेली एक पोत सापडली आहे. सणासुदीचा काळ असल्याने मेन रोडवर वस्तू खरेदी करण्यासाठी नागरिकांची गर्दी होत आहे अशातच नेमकी ही पोत कोणाची पडली याबाबत पुरेशी माहिती नसल्याने विष्णू सुरंजी यांनी आपला प्रामाणिकपणा दाखवत भद्रकाली पोलीस ठाणे गाठले. (Maharashtra News)
ती पोत पोलीस निरीक्षक दिलीप ठाकूर आणि उपनिरीक्षक देविदास भालेराव यांना सुपूर्द केली. दरम्यान विष्णू सुरंजी यांनी दाखवलेल्या प्रामाणिकपणाचे पोलीस खात्याने काैतुक केले. विष्णू यांनी छाेट्यांसह माेठ्या विक्रेत्यांपुढे एक आदर्श ठेवला आहे असेही पाेलीसांनी नमूद केले.
दरम्यान दुसरीकडे विष्णू सुरंजे यांचे सर्वसामान्य नागरिक देखील अभिनंदन करु लागले आहेत. विष्णु याच्या प्रामाणिकपणाचे काैतुक आहेच परंतु एकूणच दिवाळीची खरेदी करताना नागरिकांनी आपल्या मौल्यवान वस्तू सांभाळावेत असे आवाहन देखील पाेलीसांनी केले आहे. (Breaking Marathi News)
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.