पंढरपूरसाठी आजपर्यंत जे झालं नाही ते करणार; मुख्यमंत्र्याचे आश्वासन

Eknath Shinde: 'हा मेळावा बाळासाहेब ठाकरे यांच्या विचारांचा मेळावा आहे. आम्ही केलेलं बंड हे अभुतपुर्व होतं.'
Eknath Shinde
Eknath Shinde saam tv

पंढरपूर: मुख्यमंत्री एकनाथ शिंदे (Eknath Shinde) यांनी आज आषाढी एकादशीनिमित्त विठ्ठलाची महापूजा केली. महापुजेनंतर त्यांनी पंढरपूरमधील आयोजित कार्यकर्ता मेळाव्याला हजेरी लावली. यावेळी बोलताना त्यांनी पंढरपूरचा चेहरामोहरा बदलण्यासाठी प्रयत्न केला जाणार असल्याचं आश्वासन उपस्थितांना दिलं.

'आजपर्यंत जे झालं नाही ते पंढरपूरसाठी (Pandharpur) करणार असून पंढरपूरचा चेहरामोहरा बदलण्याचा प्रयत्न केला जाणार आहे.' दरम्यान, यावेळी बोलताना त्यांनी आपल्यासोबत असणाऱ्या आमदारांचं कौतुक केलं त्यांचे आभार मानले. 'हा मेळावा बाळासाहेब ठाकरे (Balasaheb Thackeray) यांच्या विचारांचा मेळावा आहे, आम्ही केलेलं बंड हे अभूतपुर्व होतं. एकीकडे सत्ताधिश होते. एकीकडे आम्ही सर्वसामान्य कार्यकर्ते, पन्नास आमदारांनी विश्वास ठेवणं ही साधीसोप्पी गोष्ट नाही.'

पाहा व्हिडीओ -

या घटनेचे नोंद जगातील ३३ देशांनी घेतली. आम्ही ही एक विचारांची लढाई लढतोय, बाळासाहेबांचे, तेजस्वी हिंदुत्वाच्या विचारांची ही लढाई आहे. आनंद दिघेंच्या कृपेमुळे मी आज इथे आहे. आनंद दिघेंच (Anand Dighe) काम हिमालया येवढं मोठं होतं. प्रसिद्धीपासून ते अलिप्त राहिले. शिवसेना हेच माझं ऐश्वर्य म्हणून ते जगले. शाखा हेच घरं त्यांच काम कधीच विसरता येणार‌ नाही. त्याचा आदर्श माझ्यासमोर आहे. त्यांच काम आहे. ते कधी विसरू शकणार नाही असं मुख्यमंत्री यावेळी म्हणाले.

Eknath Shinde
झालं गेलं विसरून एकनाथ शिंदेंनी शिवसेनेत परत यावं; शिवसेना खासदाराच आवाहन

तसंच आनंद दिघे यांच्या प्रतिमेसमोर नतमस्तक झाल्याशिवाय कोणताही कार्यक्रम सूर होत नाही. समाजासाठी काम करायचं हे आनंद दिघे यांनी सांगितलं. पद आणि सत्ता मिळवणे साठी उठाव केला नाही. एक जिल्हाप्रमुख काय करु शकतो याचं उदाहरण दिघे सागेबांनी देशाला दिलं आहे. दिघेसाहेब पहाडासारखे माझ्या पाठिशी उभे राहिले.

शिवाय आम्ही बाळासाहेबांच्या हिंदुत्वाचा पुरस्कार करतो. हे हिदुत्व म्हणजे दुसऱ्या समाजाचा द्वेष नव्हे. सर्वसामान्य लोकांचा मुख्यमंत्री एकनाथ शिंदे विश्वासाला कधीही तडा जाऊ देणार नसल्याचही के यावेळी म्हणाले.

Edited By - Jagdish Patil

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com