सांगली : राज्यभरात गेल्या चार दिवसांपासून कृष्णा नदीच्या पाणी पातळीत झपाट्याने वाढ झाली आहे. सांगली (Sangli) जिल्ह्यात देखील दमदार पाऊस झाला आहे. येथील कृष्णा नदीची पाणी पातळी सत्तावीस फुटांवर पाेहचली आहे. याबराेबरच अलमट्टी धरणातून दोन लाख क्यूसेक पाण्याचा विसर्ग झाल्याने सांगलीस दिलासा मिळाला आहे. दरम्यान पावसामुळं (Rain) जिल्ह्यातील एक पूल आणि तेरा बंधारे पाण्याखाली गेले आहेत. (Sangli Rain Update)
सांगलीत आयर्विन पुलाच्या जवळ कृष्णा नदीच्या पाणी पातळीत झपाट्याने वाढ झाली आहे. पाणी पातळी वाढल्याने नदी काठावरील नागरिकांत भीतीचे वातावरण पसरले आहे. ऑगस्टच्या पहिल्या आठवड्यापासून कोयना आणि वारणा धरणक्षेत्रात अतिवृष्टी सुरू असल्याने धरणे भरण्याच्या मार्गावर आहेत.
वारणा धरणातून नऊ हजार चारशे क्युसेक पाण्याचा विसर्ग करण्यात येत आहे. परिणामी सांगलीच्या वारणा नदीच्या पाणी पातळीत झपाट्याने वाढ होत आहे. सततचा पडणार पाऊस यामुळे कृष्णा नदीच्या पाणी पातळी वाढली आहे. या नदीची पाणी पातळी सत्तावीस फुटांवर जाऊन पोहचली आहे.
दुसरीकडे अलमट्टी धरणातून दोन लाख क्यूसेसक पाण्याच्या विसर्ग केला जात असल्याने सांगलीला दिलासा मिळाला आहे. कृष्णा आणि वारणा नदीच्या पाणी पातळीत वाढ झाल्याने जिल्ह्यातील एक पूल आणि तेरा बंधारे पाण्याखाली गेले आहेत तर ज्या ठिकाणी बंधाऱ्यावरती पाणी आले आहे. त्या ठिकाणी पोलिसांनी बॅरेकट लावलेले आहेत.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
