Hingoli News : हिंगोलीमधून धक्कादायक माहिती समोर आली आहे. हिंगोली रिसोड राष्ट्रीय महामार्गावर भीषण अपघात झाला आहे. या अपघातात सुटीवर आलेल्या ३५ वर्षी जवानाचा जागीच मृत्यू झाला आहे.
गुरुवारी रात्री साडे आठच्या सुमारास ही घटना घडली आहे. सुनील खरात असे मृत्यू झालेल्या जवानाचे नाव आहे. (Latest Marathi News)
मिळालेल्या माहितीनुसार, सैन्य दलातील जवान सुनील खरात हे आठ ते दहावर्षांपूर्वी सैन्य दलात भरती झाले होते. सुनील खरात सध्या जम्मू-काश्मीर येथे कर्तव्यावर होते. खरात हे १ महिन्याच्या सुटीवर आले होते.
त्यामुळे गुरुवारी सकाळी हिंगोली (Hingoli) येथून दुचाकी वाहनावर त्यांच्या गावाकडे मकोडी येथे गेले होते. त्या ठिकाणी अर्थात मकोडी येथून पुन्हा हिंगोली येथे निघाले होते. यावेळी रात्रीचे साडे आठ वाजता वाजले होते. त्यावेळी हिंगोली ते नर्सी मार्गावर राहोली पाटीलजवळ आले होते.
त्याचवेळी भरधाव वेगाने येणाऱ्या वाहनाने त्यांच्या दुचाकीला धडक दिली. या धडकेत सुनील यांच्या डोक्यात गंभीर दुखापत झाली.
तर या अपघातात सुनील खरात यांच्या दुचाकीचा चुराडाच झाला. तर सुनील यांच्या डोक्यातून रक्तस्त्राव अधिक झाल्याने त्यांचा जागीच मृत्यू झाला. या अपघाताची माहिती मिळताच हिंगोली ग्रामीण पोलीस (Police) दलाचे काही कर्मचारी घटनास्थळी पोहोचले.
हिंगोली ग्रामीण पोलीस ठाण्याचे पोलिस उपनिरीक्षक मगन पवार, उपनिरीक्षक संजय केंद्रे, जमादार किशोर पवार यांच्या पथकाने भेट देऊन पाहणी केली.
दरम्यान, जम्मू आणि काश्मीर भागात नेमणूक असलेले खरात यांचा आपघात झाल्याची माहिती त्यांच्या कुटुंबीयांनी दिली आहे. दरम्यान या अपघाताची माहिती मिळतात खरात यांचं जन्मगाव असलेल्या मकोडीवर शोककळा पसरली आहे. या घटनेमुळे मकोडी गावावर शोककळा पसरली आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
