गावाकडील रस्त्याच्या दुरुस्तीसाठी गावकऱ्यांनी राष्ट्रीय महामार्गच रोखला

गावाकडील रस्त्याच्या दुरुस्तीसाठी गावकऱ्यांनी राष्ट्रीय महामार्गच रोखला
Hingoli News
Hingoli NewsSaam tv

हिंगोली : हिंगोलीत सार्वजनिक बांधकाम विभागाकडून गावाकडील रस्ता दुरुस्ती होत नसल्याने शेकडो गावकऱ्यांनी या रस्त्याची दुरुस्तीची मागणी करत (Akola) अकोला– हैद्राबाद हा राष्‍ट्रीय महामार्ग रोखला आहे. नागरीकांच्‍या रास्‍ता रोको आंदोलनाने महामार्गावरील वाहतुक थप्‍प झाली आहे. (hingoli news villagers blocked the national highway to repair the road near the village)

Hingoli News
कोणालाही लसीकरण करण्यास भाग पाडले जाऊ शकत नाही: सर्वोच्च न्यायालयाचा मोठा आदेश

१९९९ पासून कोंढुर, दिग्रस, वंजारवाडी, चिंचोर्डी पानदाडी राष्ट्रीय महामार्गापासून गावाकडे जाणारा रस्ता दुरुस्ती झाला (Hingoli News) नसल्याचा आरोप गावकऱ्यांनी केला आहे. गावाकडील रस्‍ता दुरूस्‍तीची मागणी अनेकदा झाली. परंतु, याकडे दुर्लक्ष करण्यात आले. यामुळे संतप्‍त ग्रामस्‍थांनी थेट राष्‍ट्रीय महामार्गावर रास्‍ता रोको आंदोलन छेडले. बांधकाम विभागाचे अधिकारी जोपर्यंत आंदोलनस्थळी येणार नाहीत; तोपर्यंत आंदोलन मागे घेणार नसल्याचा पवित्रा गावकऱ्यांनी घेतला होता. अखेर बांधकाम विभागाच्या अधिकाऱ्यांनी तातडीने आंदोलनाच्या ठिकाणी दाखल होत आठ दिवसात या रस्त्याच्या निविदा काढण्यात येणार असल्याचे लेखी आश्वासन दिल्यानंतर हे आंदोलन मागे घेण्यात आले आहे.

दोन्‍ही बाजूंनी पाच किमी रांगा

अकोला– हैद्राबाद हा १६१ क्रमांकाचा राष्ट्रीय महामार्ग कळमनुरी जवळील कोंढुरपाटी जवळ रोखत रास्ता रोको आंदोलन सुरू केले. गावकऱ्यांच्या या आंदोलनामुळे राष्ट्रीय महामार्गावर वाहतूक व्यवस्था खोळंबली असून रस्त्याच्या दुतर्फा पाच किलोमीटर वाहनांच्या रांगा लागल्या.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com