Swabhimani Shetkari Saghtana: हिंगोलीत स्वाभिमानीच्या कार्यकर्त्यांनी आक्रमक भूमीका घेतली आहे. शेतकऱ्यांना पेस्टिसाइड कंपनी चुकीची औषधे देत असल्याने स्वाभिमानी पदाधिकाऱ्यांनी संताप व्यक्त केला आहे. यावेळी राग व्यक्त करत स्वाभिमानी पदाधिकाऱ्यांनी रस्त्यावर चक्क नोटा उधळल्या आहेत.
जीव देण्याशिवाय पर्याय नाही
कृषी विभागाविरोधात हे अनोखं आंदोलन करण्यात आलं आहे. कंपनी शेतकऱ्यांना चुकीचे औषध देत असल्याने पिकांवर त्याचा मोठा परिणाम होत आहे. राज्याचे कृषी मंत्री आणि हिंगोलीचे पालकमंत्री अब्दुल सत्तार यांचा जिल्हा असलेल्या ठिकाणी सदर आंदोलन सुरु आहे.
कृषी विभागाच्या अधिकाऱ्यांकडे कारवाईची मागणी
स्वाभिमानीच्या कार्यकर्त्यांनी नोटा उधळतानाचा व्हिडिओ देखील समोर आला आहे. या व्हिडिओमध्ये स्वाभिमानीचे एक पदाधिकारी रस्त्यावर नोटा उधळत आहेत. यावेळी शेतकऱ्यांना न्याय मिळवून देण्याची मागणी त्यांनी अधिकाऱ्यांकडे केली आहे. कंपन्या शेतकऱ्यांना जैविक औषध म्हणून घातक औषध देतात, असा आरोप यावेळी करण्यात आलाय.
हिंगोली जिल्ह्यात ७०० हून अधिक कंपन्या आहेत. या कंपन्या औषधांमध्ये घातक घटक मिसळून त्याची विक्री करत आहेत. गेल्या दोन- तीन महिन्यांपासून जिल्हा कृषी अधिकाऱ्यांना याचे निवेदन देऊनही यावर कोणतीही कारवाई करण्यात आलेली नाही, असे आंदोलकांचे म्हणणे आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
