Hingoli : हिंगोलीत २० गावांना भूकंपाचे धक्के; भरपावसात नागरिक रस्त्यावर

हिंगोली : सध्या राज्यात मुसळधार पावसाने (Rain) थैमान घातलं असतानाच हिंगोलीतून (Hingoli) एक खळबळजनक बातमी समोर आली आहे. हिंगोली जिल्ह्यातील वसमत तालुक्यातील तब्बल 20 गावांना अचानक भूकंपाचे हादरे बसले असल्याची माहिती आहे. या खळबळजनक घटनेनं ग्रामस्थांमध्ये भीतीचे वातावरण पसरले आहे. (Hingoli News Today)

वसमत तालुक्यातील वापटी कुपटी शिरळी कुरुंदा पांगरा, राजवाडी आमदरी या गावासह परिसरातील 20 गावांना आज सकाळ पासून दोन वेळा हादरे बसल्याने नागरिक घराच्या बाहेर बसले आहेत. आमच्या गावात बसलेले हादरे हे भूकंपाचे असल्याची माहिती नागरिक देत आहेत. मात्र हे हादरे भूकंपाचे आहेत की, नाही या बाबत अद्याप प्रशासनाकडून स्पष्ट करण्यात आलेलं नाही.

गावकऱ्यांना बसलेल्या हादऱ्यांबाबत लातूर येथील भूमापक केंद्राला सांगण्यात आले असून, त्यांच्या अहवालानंतरच या हादऱ्याचं कारण स्पष्ट होणार असल्याचे प्रशासनाकडून कळविण्यात आले आहे. दरम्यान नागरिकांनी घाबरून न जाता सतर्कता बाळगावी असे आवाहन देखील जिल्हा प्रशासनाने केले आहे. (Hingoli Earthquake Today)

Edited By - Satish Daud