वाशिम - जिल्ह्याच्या रिसोड शहरातील सराफ लाईन भागात असलेल्या मंगलम बिछायत केंद्राच्या गोदामाला रात्री 10:30 च्या सुमारास आग लागली. या आगीमध्ये सिलेंडरचा स्फोट झाला. या सिलेंडर स्फोटमध्ये आशिष राऊत हा 16 वर्षीय मुलगा जागीच ठार तर इतर तिघे जण गंभीर जखमी झाले आहेत. जखमींवर सध्या रुग्णालयात उपचार सुरु आहे.
हे देखील पहा -
या आगीत गोदाम संपूर्ण जळून खाक झाला आहेत. या आगीमुळे लाखोंचं नुकसान झालं आहे. तसेच स्फोटात गंभीर जखमींना वाशिम येथे पाठविण्यात आले असून,आग विझविण्यासाठी रिसोड अग्निशमन दलाच्या गाड्या घटनास्थळी दाखल झाल्या होत्या. नेमकी आग कशी लागली याचे कारण अद्याप अस्पष्ट आहे.
आग लागल्यचे लक्षात येताच नागरिकांनी आगीवर नियंत्रण मिळवण्याचा प्रयत्न केला, मात्र आगीवर नियंत्रण मिळवता न आल्याने अग्निशमनदलाला घटनास्थळी बोलवण्यात आले. या घटनेची माहिती मिळताच अग्निशमन दलाचे जवान घटनास्थळी दाखल झाले. अग्निशमन दलाच्या जवानांना अथक प्रयत्नानंतर आगीवर नियंत्रण मिळवण्यात यश आले आहे. पोलीस देखील घटनास्थळी हजर झाले होते. या आगीत गोडाऊनमधील लाखो रुपयांचे सामान जळून खाक झाले आहे.
Edited By - Shivani Tichkule
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.