नवनीत तापडिया, औरंगाबाद
Aurangabad Crime News: औरंगाबादमधून एक धक्कादायक बातमी समोर आली आहे. एका पतीने आपल्या पत्नीची गळा आवळून निर्घृण हत्या केली आहे. विशेष म्हणजे पत्नीची हत्या केल्यानंतर हा आरोपी स्वतःहून पोलिस ठाण्यात हजर झाला आहे. "साहेब रोजची कटकट एकदाची संपवली" असं तो पोलिसांना शरण जाताना म्हणाला. (Aurangabad Latest News)
मिळालेल्या माहितीनुसार ही धक्कादायक घटना औरंगाबादेमधील (Aurangabad) आपतगाव इथली आहे. आपल्या पत्नीचं कुटुंबातील कोणत्याही सदस्यांसोबत जमत नसल्याने पतीने पत्नीची गळा आवळून हत्या केली आहे. हत्या (Crime) केल्यानंतर पती स्वतः पोलीस ठाण्यात हजर झाला. पोलीस ठाण्यात येऊन त्याने साहेब, "रोजची कटकट एकदाची संपवली" असं म्हणत पत्नीच्या खुनाची कबुली दिली. त्यानंतर या घटनेचा खुलासा झाला.
सुनीता कडूबा हजारे असे मृत महिलेचे नाव आहे. तर, कडूबा भागाजी हजारे असे हत्या करणाऱ्या पतीचे नाव आहे. या प्रकरणी चिकलठाणा पोलीस ठाण्यात अकस्मात मृत्यूची नोंद करण्यात आली आहे. सोमवारी मृतदेहाचे शवविच्छेदन केले जाणार आहे. मात्र सुनिता यांच्या हत्येप्रकरणी अजून नातेवाईकांकडून कोणतेही तक्रार पोलिसात दाखल करण्यात आलेली नाही. त्यामुळे शवविच्छेदनानंतर देखील तक्रार आली नाही तर पोलिसांतर्फे फिर्याद देऊन गुन्हा दाखल करण्यात येणार आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
