'मी इतकी मोठी नाही की भाजपा मला संपवण्यासाठी काम करेल'

पंकजा मुंडे (Pankaja Munde) यांनी मंत्रिमंडळात (कॅबिनेट) स्थान मिळालेल्या सर्वांचे अभिनंदन (Congratulations) केले आहे
मी इतकी मोठी नाही की भाजपा मला संपवण्यासाठी काम करेल
मी इतकी मोठी नाही की भाजपा मला संपवण्यासाठी काम करेलSaam tv

मुंबई : मी नाराज नाही, ज्यांना मंत्रिमंडळात स्थान मिळालं त्या सर्वांना मी कॉल करुन अभिनंदन केले आहे. भारती पवार, भागवत कराड, नारायण राणे आणि कपिल पाटील या सर्वांना शुभेच्छा दिल्या. अशा शब्दात भाजपा नेत्या पंकजा मुंडे (Pankaja Munde) यांनी आपली भूमिका मांडली आहे. खासदार प्रीतम मुंडे यांना मोदी मंत्रिमंडळात स्थान मिळण्याची सर्वाना खात्री होती. मात्र ऐन वेळी भागवत कराड (Bhagvat Karad) यांना केंद्रात राज्यमंत्री पद मिळाले, त्यावरुन पंकजा मुंडे (pankaja Munde)आणि प्रीतम मुंडे (Pritam Munde) नाराज असल्याच्या चर्चा सुरू होत्या. आता स्वतः पंकजा मुंडे यांनी माध्यमांसमोर आपण नाराज नसल्याचे सांगितले आहे. (I am not so big that BJP will work to end me)

मी इतकी मोठी नाही की भाजपा मला संपवण्यासाठी काम करेल
मुंडे कुटुंबाचे राजकारण भाजप संपू पाहत आहे : प्रकाश शेंडगेंचा आरोप

''मंत्रिपद न देऊन भाजपाने अन्याय केला असे काही नाही. अनेक नेत्यांची नवे चर्चेत होती. पक्ष वाढविण्यासाठी पक्षाचे नेते निर्णय घेत असतात. मंत्रिमंडळात नव्या चेहऱ्यांना संधी द्यायला हरकत नाही. भाजपात एक पद्धत आहे त्यानुसार मंत्रिमंडळ विस्तार झाला आहे. पक्षाची ताकद वाढेल असे नेत्यांना वाटते म्हणून नवीन चेहऱ्यांना संधी दिली गेली असावी. असे पंकजा मुंडे यांनी म्हटले आहे. तर, विधान परिषदेच्या वेळी पक्षाने मला फॉर्म भरायला लावला होता, तेव्हाही मी पात्र आहे का असं विचारलं होतं. नंतर पक्षाने रमेश आप्पा कराड यांचं नाव अंतिम झाल्याचं सांगितलं होतं. तो निर्णयही मी मान्य केला आणि आताचा निर्णयही आम्ही मान्य केला आहे. त्यामुळे कोणी नाराज असण्याचं कारण नाही, असे पंकजा मुंडे यांनी स्पष्ट केले.

मी राजकारणात व्यवसाय म्हणून नाही तर व्रत म्हणून आली आहे. त्यामुळे भाजप ला मला संपवायचे आहे असे मला वाटत नाही. कारण मी राजकारणात व्यवसाय म्हणून नाही तर व्रत म्हणून आली आहे. मी इतकी मोठी नाही की पंतप्रधान मला संविण्यासाठी असे करतील. माझ्या वडिलांच्या मृत्यूनंतर विखुरलेल्या समाजाला एकत्र आणण्यासाठी मी राजकारणात आले. गोपीनाथ मुंढेंनी या विखुरलेल्या समाजाची बसवलेली घडी विस्कटू नये, आता ही माझी जबाबदारी आहे. मी वंजारी समाजाबरोबरच राज्याच्या इतर जनतेची देखील नेता आहे. वंजारी समाजातील नेता मोठा होत असेल तर मी त्यांच्या पाठीशी उभी असल्याचंही त्यांनी यावेळी बोलताना सांगितल.

Edited By- Anuradha

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com