Maharashtra Politics: 'कोण संजय राऊत? मी ओळखत नाही', वंचित बहुजन आघाडीचे प्रमुख प्रकाश आंबेडकरांच्या या वक्तव्याने सर्वांच्याच भुवया उंचावल्या आहेत. अशात आता त्यांनी पंतप्रधान नरेंद्र मोदी यांच्या समर्थनात आणखी एक वक्तव्य केलं आहे. ईडी आणि सिबिआयची सूत्र भाजप आणि पंतप्रधान मोदी यांच्या हाती आहेत, असा आरोप नेहमीच विरोधकांकडून होताना दिसत आहे. मात्र प्रकाश आंबेडकरांनी याला आपलं सहमत असल्याचं म्हटलं आहे. पंतप्रधान मोदी काही चुकीचं वागतात असं मुळीच वाटतं नाही. जर मी त्यांच्या जागी असतो तर मी देखील हेच केलं असतं, असं प्रकाश आंबेडकरांनी म्हटलं आहे. (Latest Maharashtra Politics News)
काल माध्यमांशी संवाद साधताना प्रकाश आंबेडकर यांनी म्हटलं की, "पंतप्रधान नरेंद्र मोदी कायद्याच्या चौकटीत राहून निर्णय घेत आहेत. त्यामुळे ईडी आणि आयकर विभाग यांचा ते गैरवापर करतात असं मला वाटत नाही. सत्ता राखण्यासाठी योग्या आणि आवश्यक सर्व गोष्टी ते करतात."
"मी जर नरेंद्र मोदी असतो म्हणजे त्यांच्या जागी असतो तर मी सुद्धा हेच केलं असतं. मोदींना त्यांची खुर्ची हवी आहे. या आधीच्या सरकारमध्ये देखील काही नेत्यांवर ईडीच्या कारवाई झाल्या आहेत. कोणतही सरकार आपली सत्ता राखण्यासाठी हेच करतं. याचं सर्व गोष्टी आता पंतप्रधान नरेंद्र मोदी करत आहेत.", असं प्रकाश आंबेडकर म्हणाले.
मला कोणीही अडवू शकत नाही
जर उद्या मला भाजपसोबत जाण्याचा मोह झाला तर मला कोणीही अडवू शकत नाही. माझा पक्ष आणि कुटुंबीय यांच्या व्यतिरिक्त मला कोणीही अडवू शकत नाही, असं देखील प्रकाश आंबेडकर म्हणाले.
सत्तासंघर्षानंतर भाजप आणि विरोधकांमध्ये सातत्याने खडाजंगी पहायला मिळत आहे. विरोधी पक्षातील काही नेत्यांना आता पर्यंत ईडी आणि सीबीआयच्या नोटीस बजावण्यात आल्यात. काहींना कारवाईला देखील सामोरं जावं लागलं आहे. अशात या सर्व तपास यंत्रणांचा वापर पंतप्रधान नरेंद्र मोदी आणि भाजपकडून होत आहे,असा आरोप सातत्याने होताना दिसतो.त्यामुळे प्रकाश आंबेडकर यांनी यावर आपलं व्यक्त केलेलं मत ऐकून ठाकरे गट यावर काय प्रतिक्रिया देणार हे पाहणं महत्वाचं ठरणार आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.