MNS: शिर्डीत मनसे नेत्यांकडून ईफ्तार पार्टीचं आयोजन

शिर्डी : राज्यामध्ये मशिदींच्या भोंग्यावरून राजकारण तापलेला असताना शिर्डीत मात्र साई बाबांनी दिलेल्या 'सबका मालिक एक' हा संदेश जपल्याचं पाहायला मिळत आहे. मुस्लिम बांधवांचा पवित्र रमजान महिना सध्या सुरु आहे. त्यानिमित्त मुस्लिम बांधवांना शिर्डीतील मनसेचे नेते (MNS Leader) दत्तात्रय कोते यांनी इफ्तार पार्टीचे आयोजन केलं होतं यावेळी मनसे कार्यकर्ते सह मुस्लिम बांधव मोठ्या संख्येने उपस्थित होते.

एकीकडे महाराष्ट्र नवनिर्माण सेनेने (MNS) मशिदीवरील भोंगे उतरविण्यासाठी जोर धरला असतांना मनसे विरुद्ध मुस्लिम असे वातावरण तयार झाले आहे. मात्र, सबका मालिक एकचा संदेश देणाऱ्या साईबाबांच्या शिर्डीत (Shirdi) मनसेने मुस्लिम बांधवांसाठी इफ्तार पार्टीचे (Iftar party) आयोजन केले आहे. राज्यात मनसे विरुद्ध धार्मिक स्थळावरील भोंगे असे वातावरण तापलेले आहे. भोंग्यामुळे असे हे वातावरण तापलेले असतानाच दुसरीकडे  साईंच्या शिर्डीत सामाजिक सलोखा राखण्याचे कामही मनसेचे कार्यकर्त्याकडून केले जात असल्याचं पाहायला मिळत आहे.

दरम्यान, आज औरंगाबाद (Aurngabad) येथे राज ठाकरे यांची जंगी सभा होणार आहे. तसेच मुंबईमध्ये विरोधीपक्ष नेते देवेंद्र फडणवीस यांची देखील सभा होणार आहेत याकडे सर्वांच लक्ष लागून राहिलं आहे. तसंच राज यांनी मागील दोन्ही सभांमध्ये मुस्लिम समाजाच्या विरोधात भूमिका घेणारी वक्तव्य केली असल्याचा आरोप विरोधकांकडून केला जात आहे. त्यामुळे आज राज यांच्या सभेला पोलिसांनी सशर्त परवानगी दिली असून ते आज काय बोलणार याकडे पोलिस प्रशासनासह राज्यभरातील मनसैनिकांच लक्ष लागून राहिलं आहे.

Edited By - Jagdish Patil