सातारा : महाराष्ट्राचा मिनी काश्मिर म्हणून ओळख असणाऱ्या पाचगणी (panchgani) येथे जगभरातून पर्यटक (tourists) येत असतात. पाचगणीतील टेबल लँण्ड (panchgani table land) हा हे पर्यटन स्थळ पर्यटकांचे मुख्य आकर्षण केंद्र आहे. सध्या या टेबल लँण्ड अवैध उत्खनन आणि अवैद्य बांधकाम यांची नजर लागली आहे. गेल्या काही दिवसांपूर्वी पर्यावरण मंत्री आदित्य ठाकरे (aaditya thackeray) यांनी सातारा (satara) जिल्ह्याच्या दौऱ्यावर असताना पाचगणी आणि महाबळेश्वर (mahableshwar) येथील अवैद्य बांधकाम आढळून आल्यास तात्काळ कारवाई करणार असल्याचे आश्वासन दिले हाेते. परंतु काही धनाढ्य लोकांमुळे आता महाबळेश्वर आणि पाचगणीचे निसर्ग सौंदर्य धोक्यात आलेला आहे. (satara latest marathi news)
पाचगणीच्या टेबल लँण्डच्या खालच्या बाजूस २४२ नंबरच्या प्लाॅटमध्ये मुंबई (mumbai) मधील एका व्यावसायिकाने जेसीबी आणि पोकलेन मशीनच्या सहाय्याने बेसुमार अवैद्य उत्खनन केले आहे. यामुळे टेबल लँण्ड परिसर धोक्यात आला आहे. परवानगी पेक्षा जास्त उत्खनन या ठिकाणी केले गेल्याची माहिती प्राप्त झाली आहे. या उत्खनामुळे या ठिकाणी टेबल लँण्ड ढासळण्याची स्थिती निर्माण झाली आहे. एका बाजुने आधीच कमकुवत झालेल्या टेबल लँण्डला या उत्खनामुळे मोठा धोका निर्माण झाला असुन याच्या खाली अनेक घरं आणि एक शाळा देखील आहे.
त्यामुळे एका धनिकासाठी प्रशासन अनेकांचा जीव टांगणीला लावत असल्याचं पहायला मिळत आहे. याबाबत अनेकदा तक्रारी हाेऊ सुद्धा संबंधितांवर काेणतीच कारवाई झाली नाही अशी देखील माहिती समाेर येत आहे. संबंधितांनी याठिकाणी बंगले सुद्धा उभारले आहेत. सार काही नियमांना तिलाजंली देत हाेत असल्याने प्रशासनाच्या कामकाजावर आश्चर्य व्यक्त केले जात आहे.
दरम्यान माळीन सारखी भयानक दुर्घटना घडल्यानंतर प्रशासन जागे हाेणार का असा प्रश्न विचारला जात आहे. या सर्व प्रकारामुळे महाबळेश्वर तहसील कार्यालय संशयाच्या भोव-यात आले आहे. प्रशासन टेबल लँड भाेवती सुरु असलेली चुकीची कामे थांबवणार का हे पाहावं लागणार आहे.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.