Big News : माजी मंत्री संजय राठोड यांचा मंत्री मंडळात समावेश करा

वाशिम : पूजा चव्हाण आत्महत्या प्रकरणी मंत्री पद गमावलेले बंजारा नेते संजय राठोड यांचा पुन्हा मंत्री मंडळात समावेश करावा, त्यांच्यावर खोटे आरोप करणाऱ्यांवर गुन्हे दाखल करण्यात यावे, या मागणीसाठी बंजारा समाजाच्या वतीने धरणे आंदोलन करण्यात आले.

हे देखील पाहा -

काशी पोहरादेवी येथील महंत कबिरदास महाराज आणि माजी जिल्हा परिषद अध्यक्ष दिलीपराव जाधव यांच्या नेतृत्वात जिल्हाधिकारी कार्यालयासमोर धरणे आंदोलन करण्यात आले. या आंदोलनात जिल्हाभरातील बंजारा समाज बांधव मोठ्या प्रमाणात उपस्थित झाला होता.

यावेळी आंदोलन स्थळी मोठ्या प्रमाणात संजय राठोड यांच्या समर्थनात घोषणा बाजी करण्यात आली. संजय राठोड यांना पुन्हा मंत्रिमंडळात समाविष्ट करून घेतले नाही तर यापुढे बंजारा समाज राज्यभरात रस्त्यावर उतरून आंदोलन करणार असल्याचे यावेळी आंदोलनकर्त्यांनी सांगितले आहे.

Edited By : Krushnarav Sathe