Solapur News : सोलापूर जिल्ह्यात आयकर विभागाने विविध व्यावसायिकांच्या घरी आणि कार्यालयांवर छापे टाकले आहेत. या छाप्यांमध्ये जवळपास पन्नास कोटी रुपयांचे बोगस व्यवहार आढळून आल्याची माहिती सूत्रांनी दिली. साेलापूर (solapur) येथील छाप्यांमुळे महाराष्ट्रातील विशिष्ट व्यापारी वर्गात एकच खळबळ उडाली आहे.
आयकर विभागाचे अधिकारी बीफ कंपनी, बांधकाम साहित्य, भंगार विक्रेते, स्टील विक्रेत्यांची सखाेल चाैकशी करीत आहेत. सोलापुरातील आसरा चौक कुमठा नाका हैदराबाद रोड परिसरामध्ये हे छापे टाकण्यात आले आहेत. (Breaking Marathi News)
गत चार दिवसांत आयकर विभागाने (income tax department) टाकलेल्या छाप्यात सुमारे पन्नास काेटी रुपयांचे बाेगर व्यवहार दाखविण्यात आल्याचे समाेर आले आहे अशी माहिती सूत्रांनी दिली. यामध्ये भंगार विक्रेत्यांवरती मोठ्या प्रमाणात कारवाई झालेली आहे. भंगार विक्रेत्यांच्या रोखीने झालेल्या व्यवहार आणि कागदोपत्री झालेल्या व्यवहारांमध्ये सुमारे 50 कोटी रुपयांची तफावत आढळून आली आहे असेही सूत्रांकडून समजते.
भंगार विक्रेत्यांनी खरेदीची रक्कम कमी दाखवल्याचे देखील आयकर विभागाच्या अधिकाऱ्यांना आढळून आले आहे. मुळगाव रोड येथील एका कत्तलखाना चालवणाऱ्या कंपनीवरही छापे टाकण्यात आले आहेत. तसेच मुंबई (mumbai), कोल्हापूरसह विविध कार्यालयांवर हे छापे टाकण्यात आले आहेत अशी माहिती सूत्रांनी दिली.
Edited By : Siddharth Latkar
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
