Akola: मुंडगावकर ज्वेलर्सने फसविलेल्या गुंतवणूकदारांना पैसे परत मिळणार?

या प्रकरणी २ आरोपींची निष्पन्न झालेली स्थावर मालमत्ता संरक्षीत करण्यात आली आहे अशी माहिती गृहराज्यमंत्री शंभुराज देसाई यांनी विधानपरिषदेत लक्षवेधी सूचनेवर उत्तर देताना दिली हाेती.

Money Saam Tv

जयेश गावंडे

अकाेला : अकोला (akola) येथील मुंडगावकर ज्वेलर्स (mundgaonkar jewelers) आणि त्यांच्या विविध फर्मकडून फसवणूक झालेल्या गुंतवणूकदारांना (investors) आता त्यांचे पैसे (money) परत मिळण्याचा मार्ग मोकळा झाला आहे. जप्त केलेल्या स्थावर मालमत्तांची विल्हेवाट लावून त्यातून प्राप्त हाेणारी रक्कम गुंतवणूकदारांना वितरित करावी असा प्रस्ताव राज्य शासनाकडे (maharashtra government) पाठविण्यात आला आहे. दरम्यान मुंडगावकर यांच्या आणखी काही स्थावर मालमत्तेचा शोध अकोला आर्थिक गुन्हे शाखा घेत आहे. (mundgaonkar jewelers case latest updates)

अकोल्यातील मुंडगावकर सराफा व्यावसायिकाने हुंडा चिट्ठीच्या माध्यमातून मोठ्या प्रमाणात व्याज देण्याचे आमिष दाखवून सुमारे ४७० जणांची फसवणूक केली आहे. त्यातून गुंतवणूकदारांची सुमारे १८ कोटींपेक्षा अधिक रकमेची फसवणूक झाली आहे. याप्रकरणी सहा जणांविरोधात गुन्हा दाखल झाला असून पाच जणांना अटक करण्यात आली आहे. या प्रकरणी २ आरोपींची निष्पन्न झालेली स्थावर मालमत्ता संरक्षीत करण्यात आली आहे. तर उर्वरित जणांची मालमत्ता निष्पन्न करून त्यास संरक्षित करण्यात येईल अशी माहिती गृहराज्यमंत्री शंभुराज देसाई (shambhuraj Desai) यांनी विधानपरिषदेत लक्षवेधी सूचनेवर उत्तर देताना दिली हाेती.

Loudspeaker Row: 'जो हिंदू हित की बात करेगा वही देश पे राज करेगा'

दरम्यान पोलिसांनी मुंडगावकर यांची मालमत्ता जप्त केली असून गुंतवणूकदार यांना रक्कम परत देण्याचा प्रस्ताव राज्य शासनाकडे पाठवण्यात आला आहे. त्यामुळे आगामी काळात गुंतवणुकदारांना पैसे मिळतील अशी आशा आहे.

Edited By : Siddharth Latkar