मराठवाड्यात शिवसेनेला मोठा धक्का! अर्जुन खोतकर एकनाथ शिंदे गटात सामील

नवी दिल्लीतील महाराष्ट्र सदनात खोतकर यांनी एकनाथ शिंदे यांची भेट घेतली.
Arjun Khotkar Eknath Shinde
Arjun Khotkar Eknath ShindeSaam TV

जालना : एकनाथ शिंदे (Eknath Shinde) यांनी बंड केल्यानंतर शिवसेनेला धक्क्यावर धक्के बसत आहेत. अशातच मराठवाड्यातही शिवसेनेला (ShivSena) मोठा धक्का बसला आहे. जालना शिवसेनेचे नेते तसेच माजी मंत्री अर्जुन खोतकर (Arjun Khotkar) हे सुद्धा शिंदे यांच्या गटात सामील झाले असल्याची माहिती आहे. नवी दिल्लीतील महाराष्ट्र सदनात खोतकर यांनी एकनाथ शिंदे यांची भेट घेतली. यावेळी त्यांनी शिंदे गटात सामील होण्याचा निर्णय घेतला असल्याची माहिती आहे. (Arjun Khotkar News)

Arjun Khotkar Eknath Shinde
Breaking! इंदापूरमध्ये मक्याच्या शेतात कोसळलं विमान; प्रशिक्षण घेत होती पायलट तरुणी

दरम्यान, अर्जुन खोतकर यांनी याबाबतच कुठलीही अधिकृत घोषणा केलेली नाही. मात्र, अर्जुन खोतकर यांचा फोन नॉट रिचेबल असल्याने ते आता शिंदे गटात सामील झाले असल्याची चर्चा सुरू झाली आहे. काही दिवसांपूर्वी अर्जुन खोतकर आणि मुख्यमंत्री एकनाथ शिंदे यांची दिल्लीत भेट झाल्याची अधिकृत सूत्रांनी दिली होती.

याबाबतची माहिती साम टिव्हीने दाखवली होती. आमदाराच्या बंडानंतर मराठवाड्यात मोठी खिंडार पडण्याची शक्यता देखील साम टीव्हीने वर्तविली होती. त्यानंतर मात्र आज अर्जुन खोतकर हे एकनाथ शिंदे यांच्या गटात सामील झाले आहेत. (Arjun Khotlkar Join Eknath Shinde Groups)

Arjun Khotkar Eknath Shinde
मी राजीनामा देऊन पुन्हा निवडणूक लढायला तयार, फक्त.., अब्दुल सत्तारांचं आदित्य ठाकरेंना प्रत्युत्तर

गेल्या चार दिवसांपूर्वीच एकनाथ शिंदे आणि अर्जुन खोतकर यांची महाराष्ट्र सदनमध्ये झाल्याच वृत्त साम टीव्हीने दाखवलं होतं. ईडीच्या कारवाईमुळे खोतकर शिंदे गटात जाणार असल्याची चर्चा होती. मात्र खोतकर यांनी या अफवा असल्याचा खुलासा केला होता. मात्र आज प्रत्यक्षात खोतकर शिंदे गटात सहभागी झाले आहेत.

दरम्यान, मराठवाड्यातून आतापर्यंत एकनाथ शिंदेंच्या गटात 9 आमदार आणि 1 खासदार गेले आहेत. आता जालन्याचे मातब्बर नेते समजले जाणार अर्जुन खोतकर हे देखील शिंदे गटात शामिल झाल्याने उद्धव ठाकरेंच्या शिवसेनेला हा जबरदस्त हादरा ठरणार आहे. तसेच भाजप नेते रावसाहेब दानवे आणि अर्जुन खोतकर यांच्यातील वादावरही या निमित्ताने पडदा पडण्याची शक्यता वर्तवण्यात येत आहे.

Edited By - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com