Crime News: धक्कादायक! 13 वर्षीय अल्पवयीन मुलीला पळवून नेत अत्याचार, आरोपी अटकेत

Jalana: १३ वर्षीय अल्पवयीन मुलीला पळवुन नेवून तिच्यावर अत्याचार केल्याची धक्कादायक घटना समोर आली आहे. पुणे जिल्ह्यातील खेड तालुक्यातील चिमडी या ठिकाणी ही घटना घडली असून २१ वर्षीय तरुणा विरुद्ध बलात्कार,पोस्को,आणि अँट्रासिटी कायद्याअंतर्गत गुन्हा दाखल करण्यात आला असून आरोपीला पोलिसांनी अटक केली आहे. (Latest Marathi News)

याबाबत समोर आलेल्या माहितीनुसार, बदनापूर तालुक्यातल्या सायगावातील एका अल्पवयीन १३ वर्षीय मुलीला गावातील २१ वर्षीय तरुणाने १९ फेब्रुवारीला गावातून सायंकाळी ६ वाजता तुझ्याशी बोलायचं आहे असं सांगत पळवून नेले. तसेच पुणे जिल्ह्यातील खेड तालुक्यातील चिमडी या गावात भाड्याच्या घरात तिच्यावर अत्याचार केल्याची घटना घडली आहे. मुलीच्या पालकांच्या तक्रारी वरून गावातील पवन शिंदे या तरुणा विरुद्ध २० फेब्रुवारीला मुलीला पळून नेल्या प्रकरणी अपहरणाचा गुन्हा दाखल करण्यात आला होता.

बदनापूर पोलिसांना या प्रकरणी तपास करत असताना हा तरुण पीडित मुलीसह पुणे जिल्ह्यातील खेड तालुक्यातील चिमडी गावात असल्याची माहिती मिळाली. या माहितीच्या आधारे बदनापूर पोलिसांच्या पथकांनी चिमडी गाठत या ठिकाणाहून पवन शिंदे सह या १३ वर्षीय मुलीला ताब्यात घेतले.

यावेळी पिडीत मुलीला विश्वासात घेऊन विचारपूस केली असता सदरील अल्पवयीन पीडित मुलीने पवन शिंदे यांनी आपल्यावर चिमडी गावात वारंवार बलात्कार केल्याची माहिती पिडीतेने दिली. मुलीच्या माहितीनंतर पीडितेच्या पालकांच्या तक्रारी वरून २१ वर्षीय पवन शिंदे विरुद्ध बदनापूर पोलिसांनी बलात्कार,पोस्को,आणि अँट्रासिटी कायद्याअंतर्गत गुन्हा दाखल करून त्याला आज बदनापूर न्यायालयासमोर हजर केले. यामध्ये न्यायालयाने त्याची तीन दिवसांच्या पोलिस कोठडीत रवानगी केली आहे. या प्रकरणी अधिक तपास पिकमोबाईल पथक आणि बदनापूर पोलिस करत आहे..(Crime News)