जळगाव : लग्‍नाचे वऱ्हाड घेऊन जात असलेल्‍या खासगी बस उलटून भीषण अपघात (Accident) झाला आहे. रात्रीच्‍या सुमारास मुंबई– नागपूर (Jalgaon News) महामार्गावर ओव्‍हरटेक करताना चालकाचे गाडीवरील नियंत्रण सुटल्‍याने ट्रॅव्‍हल खड्ड्यात जावून पलटी झाली. यात २४ प्रवासी जखमी झाले असून त्‍यांना तात्काळ उपचारासाठी दाखल केले आहे. (Latest Marathi News)
जळगाव- धरणगाव महामार्गावर हा अपघात झाला आहे. या घटनेने मोठी खळबळ उडाली आहे. अकोला येथून खासगी बस अहमदाबाद येथे लग्‍नाचे वऱ्हाड घेऊन जात होती. या दरम्‍यान जळगाव सोडल्‍यानंतर धरणगावकडे जाणाऱ्या महामार्गावर पाळधी गावाजवळ महामार्गावर रात्री ८ वाजेच्या सुमारास बस अचानक रस्त्याच्या कडेला उलटली. अपघातात २४ जण जखमी झाले असून जळगाव जिल्हा रुग्णालयात (Hospital) २२ जखमींना आणण्यात आले आहे.
पालकमंत्री गुलाबराव पाटील मदतीला
रविवारी रात्री नऊ– साडेनऊ वाजेच्या सुमारास हा अपघात झाला. अपघात झाला यावेळी पालकमंत्री गुलाबराव पाटील हे पाळधी येथील निवासस्थानी जात होते. यावेळी त्यांनी आपली गाडी थांबवून तात्काळ जखमी प्रवाशांना रुग्णालयात हलविण्यासाठी यंत्रणा हलवली. रुग्णवाहिकेला बोलवून जखमींना रुग्णालयात रवाना केले. अपघातात २४ जण जखमी झाले असून सर्वांना जळगाव जिल्हा रुग्णालयात दाखल करण्यात आले आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
