हळदीच्या कार्यक्रमात विवाहितेला मारहाण

हळदीच्या कार्यक्रमात विवाहितेला मारहाण
हळदीच्या कार्यक्रमात विवाहितेला मारहाण
Crime NewsSaam tv

चाळीसगाव (जळगाव) : चुलत दीराचे लग्‍न असल्‍याने हळदी कार्यक्रमाला गेले असता रात्री नाचण्यावरून एका विवाहितेला लाकडी दांड्यासह लोखंडी गजाने जबर मारहाण केल्याची घटना घडली. याप्रकरणी ग्रामीण पोलिसात (Police) सोळा जणांविरुद्ध गुन्हा दाखल करण्यात आला आहे. (jalgaon chalisgaon crime news Beating a married woman in a haldi program)

Crime News
धुळ्यात पाणीप्रश्न पेटला; नगरसेविका स्वतःच चढल्‍या पाण्याच्या टाकीवर

शिवापूर (ता. चाळीसगाव) येथील राहुल पंडित चव्हाण यांच्या हळदीनिमित्त गुरूवार (१२ मे) राहत्या घरी कार्यक्रमाचे आयोजन करण्यात आले. रात्री साडेदहा वाजेच्या सुमारास हळदीला आलेली मंडळी डीजेवर नाचत होती. या दरम्‍यान काही मंडळी त्याठिकाणी जमली. नाचण्यावरून एका विवाहितेसह तिच्या नणंदला शिवीगाळ केली. त्यानंतर लाकडी दांडा, लोखंडी गज व मोटारसायकच्या चैनने मारायला सुरवात केली. प्रवीण चव्हाण यांनी मध्यस्थी करण्याचा प्रयत्न केला. परंतु त्यालाही जबर मारहाण केली.

महिलेला गंभीर दुखापत

अचानक झालेल्‍या मारहाणीत सदर महिलांना गंभीर दुखापत झाली आहे. या घटनेने परिसरात एकच खळबळ उडाली आहे. याप्रकरणी महिलेच्या फिर्यादीवरून चाळीसगाव ग्रामीण पोलीस ठाण्यात सोळा जणांविरुद्ध गुन्हा दाखल करण्यात आला आहे. विनोद मोरसिंग पवार, मनोज मोरसिंग पवार, सुनीता मोरसिंग पवार, हारसिंग पंडित पवार, प्रदीप ममराज पवार, बादल पंडित पवार, रोहिदास हेमा पवार, जितेश संजय पवार, वनिता संजय पवार, प्रवीण पवार, संदीप रामसिंग राठोड, लहू रामसिंग राठोड, निलेश रोहिदास पवार, उमेश रोहिदास पवार, आकाश तुळशीराम राठोड व प्रकाश तुळशीराम राठोड (सर्व रा. शिवापूर ता. चाळीसगाव) असे संशयित आरोपीतांची नावे आहेत. पोलीस निरीक्षक संजय ठेंगे यांच्या निर्देशानुसार पुढील तपास पोउनि लोकेश पवार हे करीत आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.