मेहुणबारे (जळगाव) : आई- वडिल हरिद्वार येथे यात्रेसाठी जात असल्याने त्यांना रेल्वे स्थानकावर पोहचवून रेल्वेमध्ये (Railway) बसवून त्याच रेल्वेच्या डब्यातून उतरताना गाडीचा वेग वाढल्याने नियंत्रण सुटून रेल्वेखाली आल्याने शिक्षकाचा (Chalisgaon) मृत्यू झाल्याची दुर्दैवी घटना चाळीसगाव रेल्वे स्थानकावर गुरुवारी (२५ मे) पहाटे सव्वापाचच्या सुमारास घडली. (Maharashtra News)
मूळचे माळशेवगे (ता. चाळीसगाव) रहिवासी असलेले योगेश गंभीरराव सूर्यवंशी (वय ४१) चिंचगव्हाण (ता. चाळीसगाव) येथील माध्यमिक विद्यालयात शिक्षक आहेत. ते आपल्या आई– वडील व कुटुंबासह चाळीसगाव शहरातील भडगाव रोडवरील विवेकानंद कॉलनी, बाप्पा पॉंईट परिसरात वास्तव्यास आहेत. त्यांचे आई- वडील हरीद्वार येथे यात्रेसाठी जात असल्याने गुरुवारी (ता. २५) पहाटे पाचच्या सुमारास त्यांना सोडण्यासाठी योगेश सूर्यवंशी हे रेल्वे स्थानकावर आले होते.
रेल्वेतून उतरताना गेला तोल
आई– वडिलांना पहाटेच्या दादर-अमृतसर एक्सप्रेसमध्ये त्यांनी बसवले. मात्र, त्याचवेळी गाडी सुरू झाल्याने योगेश पाटील हे घाईत रेल्वेतून उतरताना गाडीकडे ओढले गेले. यात ते रेल्वेखाली सापडून त्यांचा मृत्यू झाला. ही घटना प्लॅटफार्मवरील इतर प्रवाशांचा लक्षात येताच, त्यांनी धाव घेतली. मात्र, काहीही उपयोग झाला नाही. रेल्वे पोलिसांनी (railway Police) त्यांचा मृतदेह ग्रामीण रूग्णालयात नेला. याप्रकरणी चाळीसगाव रेल्वे पोलिसांत अकस्मात मृत्यूची नोंद करण्यात आली असून तपास हवालदार जंजाळकर तपास करीत आहेत.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
