भाजपकडून शिवसेनेची कोंडी; स्विकृत नगसेवक निवडीवरून गोंधळ

भाजपकडून शिवसेनेची कोंडी; स्विकृत नगसेवक निवडीवरून गोंधळ
Jalgaon Corporation
Jalgaon Corporation

जळगाव : महापालिकेची ऑनलाईन महासभा आज होती. महासभेच्या अजेंड्यावरील पहिल्याच विषयावर शिवसेनेच्या स्विकृत नगरसेवक निवडीवरून सभागृहात गोंधळ उडाला. या विषयावर विरोधक भाजपने सत्‍ताधारी शिवसेनेला कोंडीत पकडले. भाजप सदस्यांनी सर्वपक्षीय गटनेत्यांची आधी बैठक घेवून त्यात निर्णय घेतला पाहिजे होता; असा मुद्दा मांडला. निवड करायची असेल तर मतदान घ्या अन्‍यथा विषय नामंजुर करा अशी मागणी केली. यामुळे गोंधळ झाल्‍याने अखेर महापौरांनी विशेष महासभा तहकुब केली. (jalgaon-corporation-news-Shiv-Sena-dilemma-from-BJP-Confusion-over-approved-Nagasevak-selection)

जळगाव महापालिकेची आज विशेष महासभा महापौर जयश्री महाजन यांच्‍या अध्‍यक्षतेखाली आयोजित केली होती. यात स्थायी समिती सदस्य, विविध समित्यांचे सदस्य आणि स्वीकृत नगरसेवकाची नियुक्ती केली जाणार होती. परंतु, सभेच्‍या पहिलाच विषय शिवसनेच्या स्विकृत नगरसेवकपदी विराज कावडीया यांच्‍या निवडीच्या मुद्यावरून भाजपने शिवसेनेला कोंडीत पकडले. सत्‍ताधारी व विरोधी पक्षाचे सदस्य आमने- सामने आल्याने महासभेत प्रचंड गोंधळ झाला.

Jalgaon Corporation
Beed: गैरहजर सरपंचाच्या खुर्चीवर चक्क कुत्रा बसवून ग्रामस्थांनी केला निषेध!

भाजपचे सदस्‍य आक्रमक

भाजप- शिवसेना सदस्यांमध्ये गोंधळ झाला. यावेळी शिवसेनेचे दिपील पोकळे यांच्या नावाच्या गटनेता पदाची नावावरून भाजपच्या सदस्यांनी जोरदार विरोध केला. भाजपचे अॅड. शुचिता हाडांनी गटनेता पद भाजपचे असून शिवसेनेने चुकिच्या पद्धतीने निवड केली असून विभागीय आयुक्त कार्यालयात भाजपच्या गटनेतांची नोंद आहे. त्यामुळे ही निवड चुकीची असल्याचे सांगत प्रचंड गोंधळ झाला. यावेळी भाजपचे नगरसेवक कैलास सोनवणे, भगत बालाणी, जितेंद्र मराठे, डॉ. अश्विन सोनवणे यांनी जोरदार शाब्दीक हल्ला केला.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com