बनावट नोटांचे रावेर कनेक्शन उघड; मोठ्या रॅकेटचा संशय

छिपावड येथील हॉटेलमध्ये शंभराची नोट देऊन नाश्ता करून दहा रुपये खर्च करून ९० रुपये परत घेत होते. ही बाब हॉटेल चालकाच्या निदर्शनास आली.
Duplicate currency
Duplicate currencyDuplicate-currency

रावेर (जळगाव) : मध्य प्रदेशातील हरदा जिल्ह्यातील छिपावड पोलिसांनी नकली नोटांप्रकरणी खंडवा येथील दोन जणांना अटक केली. दरम्यान, दोघांच्या चौकशीनुसार रावेर येथील एकास शनिवारी मध्य प्रदेश पोलिसांनी ताब्यात घेतले. नकली नोटांबाबत मध्य प्रदेश- महाराष्ट्र कनेक्शनबाबत रावेर शहरात चर्चा असून, शहरात खळबळ उडाली आहे. (jalgaon-crime-news-madhya-pradesh-two-parson-arrest-Duplicate-currency-matter-but-raver-connection)

खंडवा येथील अब्रार मेहबूब (वय २०) व आयुब इब्राहिम (४५) हे मध्य प्रदेशातील हरदा व छिपावड येथे मजुरीसाठी गेले होते. छिपावड येथील हॉटेलमध्ये शंभराची नोट देऊन नाश्ता करून दहा रुपये खर्च करून ९० रुपये परत घेत होते. ही बाब हॉटेल चालकाच्या निदर्शनास आली. त्यानंतर ८ जुलैला एका चहाच्या टपरीवर चहा व पाऊच घेत असताना हॉटेल चालकाने या दोघांना हटकले. हॉटेलचालक व चहा टपरीमालक व नागरिकांनी या दोघांना चांगला चोप दिला व छिपावड पोलिसांच्या ताब्यात दिले. त्यांना अटक करून न्यायालयासमोर उभे केले असता न्यायालयाने त्यांना पाच दिवसांची पोलिस कोठडी दिली.

Duplicate currency
क्या बात है! पठ्ठ्याने रिक्षात विसरलेली लाखाची बॅग केली परत

इंदूर व रावेर कनेक्‍शन

दरम्यान, पोलिसांनी त्यांची कसून चौकशी केली असता नकली नोटांचे कनेक्शन मध्य प्रदेशातील इंदूर व रावेर असल्याचे लक्षात आले. इंदूरहून चौकशी केल्यानंतर हरदा उपविभागीय पोलिस अधिकारी रवी शर्मा व छिपावड पोलिसांनी शनिवारी (ता.१०) दुपारी रावेर येथे येऊन रावेर पोलिस ठाण्यात निरीक्षक रामदास वाकोडे, गोपनीय विभागाचे सुरेश मेढे, मंदार पाटील, सुकेश तडवी व पोलिसांशी चर्चा करून रावेर पोलिसांच्या मदतीने येथील उटखेडा रोडवरील पाच बिवियाँ टेकडी येथील बाबू ऊर्फ शेख शकील शेख हाफिज यास संशयित म्हणून पोलिसांनी ताब्यात घेतले.

अंतिम तपासात सत्‍य येणार बाहेर

मध्य प्रदेशातील नकली नोटांबाबत रावेर कनेक्शन असल्याची बाब समोर आल्यामुळे शहरात नकली नोटांबाबत जोरदार चर्चा सुरू आहे. यामुळे शहरात खळबळ उडाली आहे. या नकली नोटांच्या रॅकेटबाबत छिपावड पोलिसांच्या अंतिम तपासानंतर उघड होणार आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com