Jalgaon News: धक्कादायक..झोपेतच वृद्धेचे कान कापून दागिने लांबविले; रेल येथील रात्रीची घटना
धरणगाव (जळगाव) : रेल (ता. धरणगाव) येथे एका ७० वर्षीय वृद्ध महिलेला मारहाण करून कान कापत (Crime) कानातील ८ ते १० ग्रॅम वजनाचे सोन्याचे किल्लू आणि रोकड चोरून नेल्याची घटना उघडकीस आली आहे. या प्रकरणी धरणगाव पोलिसात (Police) अज्ञात चोरट्यांविरुद्ध गुन्हा दाखल करण्यात आला आहे. (Letest Marathi News)
रेल येथील विमलबाई श्रीराम पाटील (वय ७०) ह्या घराच्या वरील पत्री शेडमध्ये रात्री एकट्या झोपलेल्या होत्या. त्यावेळी अज्ञात चोरट्याने त्यांच्या कानातील ८ ते १० ग्रॅम वजनाचे सोन्याचे किल्लु कान कापून तसेच डोक्यावर व तोंडावर दुखापत करुन चोरुन नेले. सकाळी ९ वाजले तरी आजी खाली उतरली नाही; म्हणून शेजारची महिला वर बघायला गेली. तेव्हा आजी रक्तबंबाळ अवस्थेत पडून होत्या.
५० हजाराची रोकड
घटनेची माहिती मिळताच पिंप्री येथे वास्तव्यास असलेले त्यांचे नातू निलेश पाटील हे घटनास्थळी पोहचले. त्यांच्या फिर्यादीवरून अज्ञात चोरट्याविरुद्ध गुन्हा दाखल करण्यात आला आहे. दरम्यान, आजीजवळ साधारण ५० हजाराची रोकड असल्याचे देखील निलेश पाटील यांनी सांगितले. पोलिसांना माहिती दिल्यानंतर अपर पोलीस अधीक्षक चंद्रकांत गवळी, अपर पोलीस अधीक्षक रमेश चोपडे. चोपडा विभागीय अधिकारी कृषीकेश रावले, अमळनेर विभागीय अधिकारी राकेश जाधव यांची टीम घटनास्थळी दाखल झाली. तर पुढील तपास सपोनि गणेश बुवा करीत आहेत.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.