धरणगाव (जळगाव) : वाळू वाहतुकीला रोखण्यासाठी प्रयत्‍न केले जातात. तरी देखील चोरटी वाहतुक सुरूच (Jalgaon News) असते. अशाच प्रकारे वाळू वाहतुक सुरू राहू देण्यासाठी नायब तहसीलदाराने लाच मागितली. ही लाच स्‍वीकारताना लुचपत प्रतिबंधक विभागाच्‍या पथकाने रंगेहाथ पकल्‍याचा धक्‍कादायक प्रकार धरणगाव (Dharangaon) तहसील कार्यालयात झाला आहे. (Maharashtra News)
धरणगाव तहसीलच्‍या महसूल विभागात कार्यरत असलेले नायब तहसीलदार जयवंत भट व कोतवाल राहुल नवल शिरोळे यांनी तक्रारदाराकडे वाळू वाहतूक डंपरने सुरु राहू देण्यासाठी ३० हजाराची लाच मागितली होती. ती तडजोडअंती २५ हजार रुपये निश्चित झाली. याबाबत तक्रारदाराने जळगाव एसीबीकडे तक्रार केली होती.
सापळा रचत पकडले
तक्रारादाराकडून प्राप्‍त तक्रारीनुसार आज (१६ मार्च) दुपारी एसीबीचे डीवायएसपी शशिकांत पाटील यांनी पथकाचा सापळा रचला होता. या दरम्‍यान तक्रारदाराकडून २५ हजाराची (Bribe) लाच घेताना कोतवालासह नायब तहसीलदार यांना ताब्यात घेतले आहे. धरणगाव तहसील कार्यालयात केलेल्या कारवाईने अधिकारी वर्गामध्ये एकच खळबळ उडाली आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.
