Jalgaon News: कामावर न जाता तरूणाने वाटेतच संपविले जीवन

तोंडापूर (जळगाव) : पहूर कसबे येथील २३ वर्षीय तरुणाने वायरचा गळफास करून जीवनयात्रा (Jalgaon News) संपविण्याची घटना पळसखेडा (ता . सोयगांव) शिवारात घडली. डॉ. स्वप्निल घोडे यांनी दिलेल्या खबरीवरून सोयगाव पोलीस (Police) ठाण्यात अकस्मात मृत्यूची नोंद करण्यात आली आहे. (Tajya Batmya)

अक्षय संतोष सोनवणे हा तरुण पळसखेडा (छत्रपती संभाजीनगर) येथील आत्या चंदाबाई क्षीरसागर यांच्याकडे मजुरी करण्यासाठी राहत होता. अधून-मधून तो गावी पहूरला यायचा. दरम्‍यान बुधवारी (१७ मे) सकाळी साडेसहाला मजूरीवर न जाता तो पहूरला गावी जातो; असे सांगून आत्याच्या घरून निघाला. मात्र तो पहूरला पोहोचलाच नाही. वाटेतच पळसखेडा शिवारातील संतोष बोऱ्हाडे यांच्या शेतात विजेच्या खांबाला वायरचा गळफास करून त्याने मृत्यूला कवटाळले.

आत्महत्येचा पाचवा प्रयत्न

अक्षयने या अगोदरही चार वेळा स्वतःला संपविण्याचा प्रयत्न केला होता. परंतु कधी भावाने तर कधी शेजारच्यांनी त्याला यातून बाहेर काढले होते. आज मात्र त्‍याने आत्‍महत्‍येचा केलेला प्रयत्‍न अखेरचा ठरला. अक्षयच्या अकाली जाण्याने विधवा आईवर दुःखाचा डोंगरच कोसळला. सोयगाव पोलीस ठाण्यात अकस्मात मृत्यूची नोंद करण्यात आली आहे. पुढील तपास निलेश लोखंडे करीत आहेत.