भाविकांविना पिंप्राळानगरी सुनी- सुनी; जागेवरच ओढला रथ
जळगाव : प्रतिपंढरपूर म्हणून ओळख असलेल्या पिंप्राळा येथील विठ्ठल मंदिर संस्थानतर्फे आषाढी एकादशीनिमित्त रथोत्सव साजरा होत असतो. विठ्ठल नामाचा अखंड गजरात दुमदुमणारी पिंप्राळानगरी यंदाही सुनीसुनीच होती. गतवर्षीप्रमाणे कोरोनामुळे रथोत्सव साजरा करण्यावर निर्बंध लावण्यात आल्याने रथाची ग्राम प्रदक्षिणा न होता परंपरा कायम राखण्यासाठी जागेवरच रथ ओढण्यात आला. (jalgaon-news-aashadhi-ekadashi-pimprala-rath-utsav-not-celebreat)
पिंप्राळानगरीत थोत्सवानिमित्त पिंप्राळ्यात यात्रा भरत असते. त्यामुळे विविध प्रकारचे संसारोपयोगी साहित्य, मनोरंजनाची साधने, विविध प्रकारची खेळणी विक्रीची दुकाने येथे पिंप्राळा रिक्षा स्टॉप चौकात थाटलेली असतात. तसेच फराळ तसेच चहा वाटपाचा कार्यक्रम देखील होतो मात्र यंदा हे काहीच होऊ शकले नाही. यामुळे सारे वातावरण चैतन्यमय झालेले असते.
रथाची केवळ सजावट
पिंप्राळ्यातील रथोत्सवाला १४५ वर्षांची परंपरा आहे. या रथोत्सवात सलग दुसऱ्या वर्षी खंड पडला. कोरोनामुळे हे उत्सव साजरा होवू शकला नाही. दरवर्षी रथोत्सवानिमित्त मंदिर व रथाला रंगरंगोटी तसेच विद्युत रोषणाई करण्यात येते. यंदा देखील रथाची सजावट केली होती. मुख्य म्हणजे रथोत्सवानिमित्त हजारो भाविक दर्शनासाठी पिंप्राळानगरीत दाखल होत असतात. मात्र यंदा निर्बंधांमुळे भाविक येऊ शकले नाही.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.