संतापजनक..मूकबधिर असल्‍याची साधली संधी; रात्रीच्‍या अंधारात विवाहितेवर अत्याचार

संतापजनक..मूकबधिर असल्‍याची साधली संधी; रात्रीच्‍या अंधारात विवाहितेवर अत्याचार
Jalgaon Crime News
Jalgaon Crime NewsSaam tv

मेहुणबारे (जळगाव) : भावाकडे राहत असलेल्या २५ वर्षीय मूकबधिर विवाहितेवर तिघांनी अमानुष अत्याचार (Crime News) केला. ही घटना तालुक्यातील एका गावात रविवारी (ता. ४) रात्री घडली. दरम्यान, सोमवारी पहाटे सुटका झाल्यानंतर ती घरी गेली. त्यानंतर हा खळबळजनक प्रकार उघडकीस आला. या प्रकरणी मेहुणबारे पोलिस (Police) ठाण्यात तीन अनोळखी नराधमांविरोधात गुन्हा दाखल करण्यात आला असून, पोलिस त्यांचा शोध घेत आहेत. (Live Marathi News)

Jalgaon Crime News
Grampanchayat Election: बीड जिल्ह्यातील ३७ ग्रामपंचायतीचे सरपंच बिनविरोध

पीडित २५ वर्षीय महिला पतीने घरातून काढून दिल्याने (Jalgaon) भावाकडे राहत होती. दरम्यान, पीडिता रविवारी (ता.४) रात्री आठच्या सुमारास जेवण करून गावातीलच भावाच्या दुसऱ्या घराकडे गेली असावी म्हणून कुटुंबीय जेवण करून झोपी गेले. दुसऱ्या दिवशी पीडिताचा भाऊ कुटुंबासह शेतात कापूस वेचणी करण्यास गेला.

गावातील महिलेने सांगितले भावाला

सायंकाळी घरी येताना पीडितेच्या भावास एका महिलेने पीडित बहिण तुमच्या दुसऱ्या घरात झोपलेली असून, डोळे सुजलेले असल्याचे सांगितले असता भावाने व इतरांनी धाव घेऊन पीडितेला उपचारासाठी मेहुणबारे ग्रामीण रूग्णालयात आणले. डोळ्यास जास्त जखम झाली असल्याने तिला उपचारासाठी धुळे (Dhule) येथील शासकीय रुग्णालयात दाखल करण्यात आले आहे. पीडितेवर अत्याचार झाल्याची माहिती मिळताच अप्पर पोलिस अधीक्षक रमेश चोपडे, सहाय्यक अधीक्षक अभयसिंग देशमुख यांच्यासह मेहुणबारे पोलिस ठाण्याचे सहाय्यक निरीक्षक विष्णू आव्हाड यांच्यासह अधिकाऱ्यांनी घटनास्थळी धाव घेऊन माहिती घेतली व घटनेचा पंचनामा केला.

दुचाकीवर नेऊन अत्याचार

पीडिता मूकबधिर असल्यामुळे व ती जखमी असल्याने पोलिसांनी तिचा जबाब घेण्यासाठी विशेष शिक्षिकेला पाचारण केले. विशेष शिक्षिकेसमोर इशाऱ्याने पीडितेने हा सर्व प्रकार सांगितला. त्यानुसार गावातीलच तीन अनोळखी तरुणांनी दुचाकीवरून तिला गावाजवळील तलावाजवळ नेले. दोघांनी पीडितेस ओढाताण करून डोळ्यावर बुक्क्याने मारहाण केली. तर एकाने बळजबरीने तिच्यावर अत्याचार केला. तसेच अत्याचार करणारे समोर आल्यास त्यांना ओळखेल, असेही तिने जबाबात सांगितले आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com