पावसाचे कमबॅक..तीन आठवड्यानंतर जळगावात हजेरी

पावसाचे कमबॅक..तीन आठवड्यानंतर जळगावात हजेरी
पावसाचे कमबॅक..तीन आठवड्यानंतर जळगावात हजेरी
jalgaon rain

जळगाव : पावसाने गेल्‍या तीन आठवड्यांपासून दडी मारली होती. या काळात कडक उन्‍हाचे चटके जाणवत होते. मुळात मृग नक्षत्र संपले असताना दरमदार पावसाअभावी पेरणी देखील पुर्ण झालेली नव्‍हती. तर काही ठिकाणी पेरणीनंतर उगवलेली पिके पाऊस नसल्‍याने कोमेजून गेली होती. परंतु, तीन आठवड्यानंतर जळगावात पावसाची हजेरी लागली असून पावसाच्‍या आगमनानंतर बळीराजा सुखावला आहे. (jalgaon-news-after-three-weeks-Rain-comeback)

जिल्‍ह्यातच नव्‍हे तर संपुर्ण राज्‍यात पावसाने ओढ दिलेली होती. यामुळे शेतात उगवलेली पिके देखील कोमेजू लागली होती. पाऊस यावा याकरीता वरूणराजा वेगवेगळ्या प्रकार साकळे घालत होते. दरम्‍यान ९ व १० जुलैनंतर पावसाचा अंदाज वर्तविला होता. त्‍यानुसार गुरूवारी दुपारपासून ढगाळ वातावरण निर्माण होवून आज पावसाची जोरदार हजेरी लागली.

jalgaon rain
कुटुंब गाढ झोपेत अन्‌ काळोख्या रात्रीत कोब्राच्‍या थराराने श्‍वास रोखला

उकाड्यातून सुटका

जळगाव जिल्ह्यात अठरा वर्षानंतर जुलै महिन्यात मे हिटचा अनुभव आला होता. पावसाने दडी मारल्याने पारा ४० अंश सेल्सियसच्या पार गेल्याने अंगाची लाही लाही होत होती. दरम्यान, गुरुवारी दुपारनंतर वातावरणात बदल होऊन ढगाळ वातावरण निर्माण झाले होते. आज सकाळपासून देखील ढगाळ वातावरण होते. आज दुपारी दोन वाजेनंतर काळे ढग जमा होवून जळगावात पावसाच्‍या जोरदार सरी बरसल्या. यामुळे जळगावकरांना काहीसा दिलासा मिळाला असून उकाड्याने हैराण झालेल्या जळगावकरांना दिलासा मिळाला.

बळीराजा सुखावला

जिल्ह्यात गेल्या काही दिवसांपासून पावसाने दडी मारल्याने कडक उन्‍हाचे चटके होते. यामुळे पिके देखील करपू लागली होती. परंतु, आज पाऊस आल्‍याने बळीराजा सुखावला असून, पिके देखील पावसानंतर डोलू लागली होती. तरी देखील अद्याप पुरेशा जोरदार पावसाची प्रतिक्षा कायम आहे.

No stories found.
Saam TV | Watch Latest Breaking News in Marathi, Live Marathi News Updates, Bollywood, Cricket, Videos & Photos
www.saamtv.com