अमळनेर (जळगाव) : शहरात गांजाची वाहतूक करताना ताडेपुरा भीमनगर येथील तरुणाला पोलिसांनी रंगेहाथ पकडून त्याच्याजवळून दीड लाखाचा १० किलो गांजा पकडल्याची घटना मंगरूळ येथील माध्यमिक शाळेजवळ घडली. (jalgaon news amalner police arrested One and a half lakh cannabis smuggler)
अमळनेर (Amalner) येथील पोलिस निरीक्षक जयपाल हिरे हे आपले सहकारी किशोर पाटील, मिलिंद भामरे, सूर्यकांत साळुंखे, अमोल पाटील, नीलेश मोरे, कैलास पाटील यांच्यासोबत पालखी बंदोबस्तासाठी यात्रेत असताना मंगरूळ शिरूड फाट्याजवळ एक तरुण विक्रीसाठी गांजा आणत असल्याची गुप्त माहिती त्यांना मिळाली. त्यानुसार श्री. हिरे हे सहकाऱ्यांसह संबंधित ठिकाणी गेले असता, संशयिताला पोलिस (Police) येत असल्याची चाहूल लागल्याने तो तेथून पळू लागला.
पाठलाग करून पकडले
पोलिसांनी पाठलाग करुन त्याला ताब्यात घेतले. संशयित तरुण ताडेपुरा भीमनगर येथील रहिवासी असून त्याचे नाव संतोष अशोक ढिवरे (वय ३५) असल्याचे निष्पन्न झाले. त्याच्याजवळ १ लाख ५० हजार रुपये किमतीचा १० किलो ३८६ ग्रॅम गांजाची दोन पाकीटे मिळून आली. त्याला पोलिसांनी अटक केली असून त्याच्या विरोधात गुन्हा नोंदवला आहे. दरम्यान, संशयित संतोष ढिवरेला येथील न्यायालयात हजर केले असता, न्यायाधीश एम. के. पाटील यांनी २० दिवसांची पोलीस कोठडी सुनावली.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
