भुसावळ– इगतपुरी मेमू नाशिकपर्यंतच धावणार

जळगाव : चाकरमान्‍यांसाठी सोयीची ठरत असलेली भुसावळ ते इगतपुरी स्टेशन दरम्यान धावणारी मेमू गाडी पुढील आठवड्यात चार दिवस इगतपुरी न जाता नाशिक (Nashik) स्टेशनपर्यंतच धावणार आहे. यामुळे प्रवाशाची गैरसोय होणार आहे. (jalgaon news Bhusawal Igatpuri Memu will run till Nashik)

काही दिवसांपुर्वी सुरू झालेली (Bhusawal) भुसावळ– इगतपुरी मेमूल काही दिवसांचा ब्रेक लागणार आहे. इगतपुरी रेल्वे यार्डात रेल्वे प्रशासनातर्फे २८ मे ते १ जून या दरम्यान तांत्रिक काम हाती घेण्यात येणार आहे. या कामामुळे ही गाडी नाशिकपर्यंतच धावणार असल्याचे रेल्वे (Indian Railway) प्रशासनातर्फे कळविण्यात आले आहे. सदर मेमू गाडी ही नेमहीच्‍याच वेळेवर सुटेल.

तांत्रिक कामामुळे गैरसोय

२८ मे ते १ जूनपर्यंत तांत्रिक काम हाती घेण्यात आले आहे. या तांत्रिक कामामुळे चार दिवस प्रवाशांना गैरसोयीचा सामना करावा लागणार आहे. या तांत्रिक कामामुळे मनमाडहून मुंबईकडे जाणारी एक्स्प्रेस उशिराने धावू शकतात; असा अंदाज व्यक्त केला जात आहे.