जळगाव : अनोळखी नंबरवरून फोन आल्यावर वीज बिल भरण्यासाठी बनावट लिंक पाठविली. लिंक ओपन करताच जळगावातील व्यापारी असलेल्या इसमाच्या (Bank) बँक खात्यातून ३ लाख ९६ हजार ६०९ रूपयांची ऑनलाईन फसवणूक झाल्याचा प्रकार समोर आला आहे. याबाबत जळगाव सायबर पोलीस (Cyber Police) ठाण्यात गुन्हा दाखल करण्यात आला आहे. (Jalgaon Cyber Crime News)
सायबर विभागातून मिळालेल्या माहितीनुसार (Jalgaon) जळगाव शहरातील वैभव कॉलनीत वास्तव्यास असलेले जगदीश प्रितमदास जेठवाणी (वय ४०) यांची ऑनलाईन फसवणूक (Cyber Crime) झाली आहे. ते व्यापार करून आपला उदरनिर्वाह करतात. १७ ऑगस्टला सायंकाळी ४.३० ते ७ वाजेच्या दरम्यान जगदीश यांच्या पत्नीच्या मोबाईलवर अनोळखी नंबरवरून व्हॅाटस्ॲप मॅसेज आला. त्या क्रमांकावर जगदीश जेठवाणी यांनी कॉल केला असता आपण ईलेक्ट्रीक ऑफीसर असल्याचे सांगितले.
बनावट लिंकमधून घेतले बँक डिटेल
वीजबिल भरण्याचे सांगून जेठवाणी यांच्या मोबाईलवर बनावट लिंक पाठविली. दिलेल्या लिंकच्या माध्यमातून बँकेचे डिटेल्स घेवून त्यांच्या खात्यातून परस्पर ३ लाख ९६ हजार ६०९ रूपये वळविण्यात आले. दरम्यान, आपली फसवणूक झाल्याचे लक्षात आल्यानंतर जगदीश जेठवाणी यांनी जळगाव सायबर पोलीस ठाण्यात तक्रार दिली. त्यांच्या तक्रारीवरून १८ ऑगस्टला वाजता जळगाव सायबर पोलीस ठाण्यात गुन्हा दाखल करण्यात आला आहे. पुढील तपास पोलीस निरीक्षक लिलाधर कानडे करीत आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.