नोकरीचे आमिष; साडेतीन लाखात फसवणूक

नोकरीचे आमिष; साडेतीन लाखात फसवणूक
Jalgaon News
Jalgaon NewsSaam tv

जळगाव : महाविद्यालयात नोकरी लावून देण्याचे आमिष दाखवत जळगावातील तरूणाची साडेतीन लाखात फसवणूक केल्याची घटना समोर आली आहे. याप्रकरणी जिल्हापेठ (Police) पोलिसात गुन्हा दाखल झाला आहे. (jalgaon news cyber crime Job lure Fraud of Rs 3.5 lakh)

Jalgaon News
पंचवीस वर्षांपूर्वी चोरी गेलेले सोने मिळाले मूळ मालकास

जळगावातील (Jalgaon) देवेंद्रनगरात उमेश राजेंद्रप्रसाद चौरसिया (वय 37) हा वास्तव्यास आहे. फेब्रुवारी ते डिसेंबर 2020 या दरम्यान छिंदवाडा येथील शिवशंकर लखन जवरकर व नीतू शिवशंकर जवरकर या दाम्पत्याने उमेश चौरसिया यांच्यासोबत संपर्क साधला‌. उमेश याचा विश्वास संपादन करून त्‍याला छिंदवाडा येथील मेडिकल कॉलेजला अकाउंटंट म्हणून नोकरी लावून देण्याचे आमिष दाखवले. उमेशला विश्वास बसावा म्हणून नोकरी लागल्या बाबतचे बनावट पत्र तयार करून दोघांनी उमेशच्या मोबाईलवर पाठवले व त्यानुसार पैशांची मागणी केली. अशा पद्धतीने दोघांनी उमेश याच्याकडून साडेतीन लाख रुपये घेतले.

दोन वर्षानंतर पोलिसात तक्रार

पैसे देऊनही प्रत्यक्षात नोकरी न मिळाल्याने आपली फसवणूक (Fraud) झाल्याची खात्री झाल्यावर उमेश चौरसिया याने तब्बल दोन वर्षानंतर बुधवारी जिल्हापेठ पोलिसात तक्रार दिली. या तक्रारीनुसार शिवशंकर जवरकर व नीतु जवरकर या दाम्‍पत्‍य विरोधात फसवणुकीचा गुन्हा दाखल करण्यात आला आहे. पुढील तपास पोलीस निरीक्षक प्रदीप चांदेलकर हे करीत आहेत.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com