जळगाव : बीएसएनएल कनेक्शन बंद होत असल्याने केवायसी करावी लागणार. त्यासाठी क्विक सपोर्ट ॲप डाऊनलोड करण्यास सांगून त्याद्वारे बँकेचा ॲक्सेस प्राप्त करत सेवानिवृत्त शिक्षकाच्या बँक खात्यातून ९ लाख ९० हजार रुपयात परस्पर वर्ग केल्याची घटना उघडकीला आली. याप्रकरणी सायबर पोलिसात गुन्हा (Cyber Crime) दाखल करण्यात आला आहे. (jalgaon news cyber crime Quick Support App Downloaded and online fraud)
जळगाव (Jalgaon) शहरातील बी. जे. नगरातील सेवानिवृत्त शिक्षक विनोद गेंदालाल कोचुरे (वय ६०) हे कुटुंबियांसह वास्तव्यास आहेत. १६ जानेवारीला दुपारी त्यांना दोन अज्ञात क्रमांकावरुन फोन आले. यावेळी विनोद कोचुरे यांना तुमचे बीएसएनएल (BSNL) कनेक्शन बंद होत आहे. ते कनेक्शन चालू ठेवण्यासाठी तुम्हाला केवायसी करावी लागेल; असे सांगत विश्वास संपादन केला. तसेच त्यासाठी दहा रुपयांचा रिचार्ज करणे गरजेचे असल्याचे देखील त्यांनी कोचुरे यांना सांगितले.
ॲप डाउनलोड होताच रक्कम वर्ग
फोन करणार्याने विनोद कोचुरे यांना त्यांच्या मोबाईलमधील प्ले स्टोअरवरुन बीएसएनएल केवायसी क्विक सपोर्ट नावाचे ॲप डाऊनलोड करण्यास सांगितले. त्यांनी हे ॲप डाऊनलोड करताच संबधिताचे त्यांच्या मोबाईलचा ऍक्सेस घेवून एसबीआयच्या बँक (State Bank Of India) खात्यातील ९ लाख ९० हजार रुपये परस्पर वर्ग करण्यात आले. फसवणूक झाल्याचे लक्षात आल्यानंतर सायबर पोलिसात गुन्हा दाखल करण्यात आला आहे. पुढील तपास पोलीस निरीक्षक लिलाधर कानडे हे करीत आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.