जळगाव : जळगाव जिल्हा दूध संघाच्या निवडणुकीची रणधुमाळी सुरु आहे. या निवडणुकीत खडसे विरूद्ध महाजन असेच पाहिले जात आहे. परंतु, मुक्ताईनगर (Muktainagar) मतदार संघात खडसे परिवारात अनोखे युद्ध पहावयास मिळत आहे. अर्थात सासू मंदाकिनी खडसे यांच्या विरूद्ध त्यांच्या सून खासदार रक्षा खडसे (Raksha Khadse) प्रचार करत आहेत. (Live Marathi News)
जळगाव (Jalgaon) जिल्हा दूध संघाच्या निवडणुक अंतिम टप्प्यात येवून पोहचली आहे. निवडणुकीसाठी १० डिसेंबर रोजी मतदान होत आहे. या निवडणुकीत महाविकास विकास आघाडी विरुद्ध (BJP) भाजप व शिंदे गट मैदानात आहेत. जिल्ह्यातील सध्याचे राजकारण हे (Eknath Khadse) एकनाथ खडसे व गिरीश महाजन यांच्या भोवती फिरत असल्याचे पहावयास मिळत आहे. यामुळे या निवडणुकीत दोघांचीही प्रतिष्ठा पणाला लागली आहे. यामुळे या निवडणुकीकडे राज्याचे लक्ष लागले आहेत.
खडसेंच्या बालेकिल्ल्यात प्रचार
निवडणुकीत मुक्ताईनगरातून महाविकास आघाडीच्या पॅनलकडून एकनाथ खडसे यांच्या पत्नी मंदाकिनी खडसे या रिंगणात आहेत. तर त्यांच्या विरोधात भाजपच्या उमेदवार आमदार मंगेश चव्हाण उभे आहेत. आमदार चव्हाण यांच्या प्रचारार्थ रविवारी खडसेंच्या बालेकिल्ल्यात अर्थात मुक्ताईनगर येथे शिंदे– भाजप गटाच्या शेतकरी पॅनलचा मेळावा झाला. मुक्ताईनगरातून उमेदवार असलेल्या खडसेंच्या पत्नी मंदाकिनी खडसे यांच्या विरोधात प्रचारासाठी असलेल्या मेळाव्यात खडसेंच्या सूनबाई खासदार रक्षा खडसेंची उपस्थिती होती. सासू विरोधात सुनेच्या प्रचाराची लढाई राजकीय क्षेत्रात चर्चेचा विषय बनली आहे.
Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.
साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुक, ट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.