Leopard: अजिंठा लेणी डोंगररांगेत बिबट्याचा मृत्यू

अजिंठा लेणी डोंगररांगेत बिबट्याचा मुत्यु
Leopard Death
Leopard DeathSaam tv

तोंडापूर (जळगाव) : तोंडापूर (ता. जामनेर) परिसराला लागून असलेल्या वरखेडी (ता. सोयगाव) शिवारातील कपाशीच्या शेतात पाच वर्षीय बिबट्या मृत अवस्थेत आढळून आला आहे. (Jalgaon News Ajintha leopard Death)

Leopard Death
Nandurbar: माल वाहतूक रेल्वेच्या धडकेत एक ठार

वरखेडी खु. शिवारातील गट क्र ४५ मधील शेतकरी गंगाबाई रघुनाथ जाधव (रा. हरीनगर तांडा, ता. जामनेर) यांची शेती आहे. त्यांच्या शेतात बिबट्या मृत अवस्थेत आढळला. याबाबत त्यांनी सदरची माहिती गावचे पोलीस पाटील सिताराम नाईक यांना दिली. त्यांनी वन कर्मचारी अजिंठा व गोद्री जामनेर व क्रुष्णा महाकाळ यांना दिली. जामनेर वनविभाग व अजिंठा वन विभागाचे कर्मचारी यांनी पाहणी केल्‍यानंतर सदर बिबट्या अजिंठा लेणी हद्दीत असल्याने त्यांनी अजिंठा वन विभागाला कळविले. यावरुन वनपरीक्षेत्र अधिकारी अजिंठा निलेश सोनवणे यांच्यासह अजिंठा वन परीक्षेत्राचे वनपाल एच. एच. सय्यद, पी. के. शिंदे, एस. व्ही. गवंडर तसेच वनरक्षक जाधव व इतर कर्मचारी घटना स्थळावर दाखल होऊन पंचनामा करत मृत बिबट्या ताब्यात घेतला.

बिबट्याचे शवविच्‍छेदन करत दहन

बिबट्याचे वय अंदाजे पाच ते साडेपाच वर्षे असून वजन ६० किलो आहे. सदर प्रकरणात पंचनामा करून वन गुन्हा नोंद केला. त्यानंतर वनपरीक्षेत्र कार्यालय अजिंठा येथे मृत बिबट्यावर डॉ. रमण इंगळे, डॉ. नौशाद शहा व डॉ. राकेश चव्हाण या तीन पशुवैद्यकीय अधिकारी यांचे पथकाकडून शवविच्छेदन करण्यात आले. मृत बिबट्याचे दहन करण्यात आले. सदरची कायदेशीर प्रक्रिया मुख्य वनसंरक्षक औरंगाबाद वनवृत्त सत्यजित गुजर. उपवनसंरक्षक औरंगाबाद वनविभाग सूर्यकांत मंकावार व सहाय्यक वनसंरक्षक पुष्पा पवार यांच्या मार्गदर्शनाखाली वन परीक्षेत्र अधिकारी निलेश सोनवणे. वनपाल सय्यद शिंदे, श्री. गवंडर आदींनी केली.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV | साम टीव्ही
www.saamtv.com